نئی دہلی،10جون( ہ س)۔نئی دہلی میں کوئلے اور لگنائٹ کو گیس کی شکل میں تبدیلی کرنے کے پروجیکٹوں پر ہونے والے کامیاب روڈ شو کی شاندار کامیابی کے بعد، کوئلے کی وزارت کل یعنی 11 جون 2026 کو حیدرآباد میں اپنے اگلے روڈ شو کی میزبانی کے لیے پوری طرح تیار ہے۔ پچھلے پروگرام میں کاروباری شعبے کی طرف سے ملنے والے زبردست ردعمل اور بھرپور شرکت نے یہ ثابت کیا ہے کہ اس صنعت سے وابستہ لوگوں کا بھارت کے کوئلہ کو گیس کی شکل میں تبدیل کرنے سے متعلق ایکو سسٹم پر اعتماد بڑھ رہا ہے اور اس نے اس اہم شعبے میں سامنے آنے والے شاندار مواقع کو بھی نمایاں کیا ہے۔

حیدرآباد میں ہونے والے اس روڈ شو کے مہمانِ خصوصی کوئلہ اور کانکنی کے مرکزی وزیر جناب جی کشن ریڈی ہوں گے، جبکہ کوئلہ اور کانکنی کے وزیرِ مملکت جناب ستیش چندر دوبے مہمان اعزازی کے طور پر شرکت کریں گے۔ اس تقریب میں وزارتِ کوئلہ کے سکریٹری جناب وکرم دیو دت، ایڈیشنل سکریٹری جناب منوج کمار جھا، وزارت کے دیگر اعلیٰ حکام، مرکزی اور ریاستی حکومتوں کے نمائندے، کوئلہ اور لگنائٹ کمپنیاں، ٹیکنالوجی فراہم کرنے والے ادارے، کاروباری تنظیمیں، سرمایہ کار اور دیگر اہم شراکت دار بھی موجود ہوں گے۔

کوئلے کو گیس کی شکل میں تبدیل کرنے کی ٹیکنالوجی ایک انقلابی ٹیکنالوجی ہے جس میں کوئلے کو سنتھیسز گیس(سِنگیس) میں تبدیل کیا جاتا ہے۔ اس گیس کو آگے چل کر میتھانول، امونیم نائٹریٹ، مصنوعی قدرتی گیس اور مختلف صنعتی کیمیکلز جیسی قیمتی مصنوعات بنانے کے لیے استعمال کیا جا سکتا ہے۔ اس کی اسٹریٹجک اہمیت کو سمجھتے ہوئے، حکومتِ ہند نے توانائی کی یقینی فراہمی کو مضبوط بنانے، درآمدات پر انحصار کم کرنے اور ملکی کوئلے کے استعمال کو متنوع بنانے کے لیے کئی پالیسیاں اور ترغیباتی اقدامات شروع کیے ہیں۔

یہ روڈ شو پالیسی امداد، نئی تکنیکی ایجادات، سرمایہ کاری کے مواقع اور منصوبوں پر عمل درآمد کی حکمتِ عملیوں پر تبادلہ? خیال کے لیے ایک اہم پلیٹ فارم ثابت ہوگا۔ اس پروگرام میں پالیسی ساز، صنعت کے رہنما، ٹیکنالوجی فراہم کار اور سرمایہ کارایک جگہ اکٹھا ہوں گے تاکہ ملک بھر میں کوئلے اور لگنائٹ کو گیس کی شکل میں تبدیل کرنے سے متعلق منصوبوں کو تیزی سے آگے بڑھانے کے لیے باہمی تعاون کے امکانات کا جائزہ لیا جاسکے۔توقع ہے کہ یہ تقریب شراکت داروں کے باہمی تعلقات کو مزید مضبوط کرے گی، اسٹریٹجک شراکت داریوں کو فروغ دے گی اور بھارت میں کوئلہ کو گیس کی شکل میں تبدیل کرنے کے ایک مستحکم نظام کی تیاری میں مددگار ثابت ہوگی۔ ایسی ہی کوششوں کے ذریعے، وزارتِ کوئلہ نئی ایجادات کو فروغ دینے، صنعت کی شرکت کی حوصلہ افزائی کرنے اور توانائی کی یقینی فراہمی، وسائل کے پائیدار استعمال اور صنعتی ترقی کے ذریعے حکومت کےآتم نربھر بھارت کے خواب کو آگے بڑھانے کے لیے پوری طرح پرعزم ہے۔

ہندوستھان سماچار

ہندوستان سماچار / Mohammad Khan