مارکیٹ کریش کی وجہ سے سرمایہ کاروں کو 3.75 لاکھ کروڑ روپے کا نقصان
نئی دہلی، یکم جون (ہ س)۔ امریکہ اور ایران کے درمیان نئے سرے سے کشیدگی، خام تیل کی قیمتوں میں اضافے، فروخت کے دباو اور ایف ایم سی جی سیکٹر میں نمایاں کمی کی خبروں کی وجہ سے مقامی اسٹاک مارکیٹ ایک بار پھردھڑام سے گر گئی۔ آج کی تجارت کا آغاز مضبوطی کے ساتھ ہوا۔ مارکیٹ کھلنے کے بعد، سینسیکس اور نفٹی دونوں انڈیکس نے خریداری کی حمایت کی وجہ سے مزید رفتار حاصل کی، لیکن اس کے فوراً بعد، مارکیٹ میں فروخت کا دباو بڑھ گیا۔ فروخت کا یہ دباو دونوں انڈیکس میں گراوٹ کا باعث بنا۔ بی ایس ای سینسیکس اپنے دن کی بلند ترین سطح سے تقریباً 1,165 پوائنٹ گر گیا۔ اسی طرح، نفٹی بھی اپنی بلندی سے 375 پوائنٹس سے زیادہ گر گیا۔ دن کے کاروبار کے بعد سینسیکس 0.68 فیصد اور نفٹی 0.70 فیصد گر کر بند ہوا۔
دن بھر، آئی ٹی، میڈیا اور معدنیاتی شعبوں کے اسٹاک میں مسلسل خریدار ی دیکھنے میں آئی۔ خریداری کی حمایت سے، نفٹی آئی ٹی انڈیکس 2.66 فیصد کے اضافے کے ساتھ بند ہوا۔ اسی طرح، بی ایس ای ٹیک انڈیکس 1.34 فیصد اضافے کے ساتھ بند ہوا۔ دوسری جانب آٹوموبائل، پاور اور ایف ایم سی جی سیکٹرز کے حصص میں فروخت کا سلسلہ جاری رہا۔ مزید برآں، بینکنگ، کنزیومر ڈور ایبل، کیپٹل گڈز، ہیلتھ کیئر، پبلک سیکٹر انٹرپرائزز اور آئل اینڈ گیس انڈیکس بھی گر کر سرخ رنگ میں بند ہوئے۔ وسیع مارکیٹ میں بھی مسلسل فروخت دیکھنے میں آئی، جس کی وجہ سے نفٹی مڈ کیپ انڈیکس 1.45 فیصد کی کمی کے ساتھ بند ہوا۔ اسی طرح، اسمال کیپ انڈیکس 0.88 فیصد کی کمی کے ساتھ کاروبار کا اختتام ہوا۔
اسٹاک مارکیٹ میں آج کی کمزوری کی وجہ سے، اسٹاک مارکیٹ کے سرمایہ کاروں کی دولت میں تقریباً 3.75 لاکھ کروڑ کی کمی ہوئی۔ آج کی ٹریڈنگ کے بعد بی ایس ای پر درج کمپنیوں کی مارکیٹ کیپٹلائزیشن 460.72 لاکھ کروڑ (عارضی) تک گر گئی۔ جبکہ جمعہ کو، گزشتہ ہفتے کے آخری تجارتی دن، ان کا بازار سرمایہ 464.47 لاکھ کروڑ تھا۔ اس طرح، سرمایہ کاروں کو آج کی تجارت میں تقریباً 3.75 لاکھ کروڑ کا نقصان ہوا۔
آج، دن کے کاروبار کے دوران، بی ایس ای میں 4,549 حصص میں فعال تجارت ہوئی۔ ان میں سے 1,589 حصص کے بھاو میں اضافہ، 2,761 حصص کے بھاو میں کمی جبکہ 199 کے حصص بغیر کسی اتار چڑھاو کے بند ہوئے۔ آج، این ایس ای میں 3,015 حصص میں فعال تجارت ہوئی۔ ان میں سے 924 حصص منافع کمانے کے بعد سبز نشان پر اور 2,091 حصص نقصان اٹھانے کے بعد سرخ نشان پر بند ہوئے۔ اسی طرح سینسیکس میں شامل 30 حصص میں سے چھ حصصمنافعکے ساتھ بند ہوئے اور 24 حصص خسارہ کے ساتھ بند ہوئے۔ جبکہ نفٹی میں شامل 50 حصص میں سے 10 حصص سبز نشان میں اور 40 حصص سرخ نشان میں بند ہوئے۔
بی ایس ای سینسیکس آج 427.28 پوائنٹس کے اضافے کے ساتھ 75,203.02 کی سطح پر کھلا۔ ابتدائی تجارت میں خریداری کی حمایتسے انڈیکس 592.19 پوائنٹس کے اضافے سے 75,367.93 کی سطح تک پہنچ گیا۔ اس کے بعد، مارکیٹ میں فروخت کا دباو بڑھ گیا، جس سے سینسیکس میں گراوٹ کا رجحان رہا۔
اگرچہ خریدار وقتاً فوقتاً اپنی خریداری کا دباو بڑھانے کی کوشش کرتے رہے لیکن اس کے باوجود انڈیکس فروخت کے دباو میں گرتا رہا۔ مسلسل فروخت کے باعث آج کے کاروبار کے اختتام سے کچھ دیر قبل انڈیکس اپنی بلندترین سطح سے 1,164.25 پوائنٹس کی کمی سے 572.06 پوائنٹس گر کر 74,203.68 پوائنٹس کی سطح پر پہنچ گیا۔ پورے دن کے کاروبار کے بعد سینسیکس 508.40 پوائنٹس کی کمی کے ساتھ 74,267.34 پوائنٹس کی سطح پر بند ہوا۔
سینسیکس کی طرح، این ایس ای نفٹی نے آج 106.75 پوائنٹس چھلانگ لگا کر 23,654.50 کی سطح سے کاروبار کا آغاز کیا،۔ خریداری کی حمایت سے، انڈیکس مارکیٹ کے آغاز پرہی 185.95 پوائنٹس کی چھلانگ لگا کر 23,733.70 کی سطح پر آگیا۔ اس کے بعد منافع وصولی شروع ہوئی، جس کے نتیجے میں نفٹی میں گراوٹ کا رجحان پیدا ہوا۔ مسلسل فروخت کی وجہ سے، انڈیکس بند ہونے سے کچھ دیر پہلے اپنی بلندسطحسے 375.75 پوائنٹس پھسل کر 189.80 پوائنٹس کی کمی سے 23,357.95 کی سطح پر آگیا۔ آخر کار، انٹرا ڈے سیٹلمنٹ کے دوران معمولی خریداری کی مدد سے، نفٹی نے اپنی کم ترین سطح سے تقریباً 25 پوائنٹس بازیافت کر کے 165.15 پوائنٹس کی کمی کے ساتھ 23,382.60 کی سطح پر کاروباربند کیا۔
دن بھر کی خرید و فروخت کے بعد، اسٹاک مارکیٹ کے بڑے اسٹاکس میں، ٹیک مہندرا 4.01 فیصد، انفوسس 3.58 فیصد، کول انڈیا 3.21 فیصد، ٹی سی ایس 1.70 فیصد اورجے ایس ڈبلیو اسٹیل 1.67 فیصد اضافہ اور آج سب سے اوپر 5 فائدہ اٹھانے والوں کی فہرست میں شامل ہوئے۔ دوسری طرف، ہندوستان یونی لیور 3.21 فیصد، ٹاٹا کنزیومر پروڈکٹس 2.98 فیصد، شریرام فائنانس 2.97 فیصد، میکس ہیلتھ کیئر 2.76 فیصد اور آئی ٹی سی 2.53 فیصد خسارہ اور آج سب سے اوپر 5 خسارہ اٹھانے والوں کی فہرست میں شامل ہو گئے۔
---------------
ہندوستان سماچار / عبدالسلام صدیقی
