نوجوانوں کو حکومت کی طرف سے چلائی جانے والی خود روزگارا سکیموں کے بارے میں جانکاری دی گئی

اندور، یکم جون (ہ س)۔ اندور، مدھیہ پردیش میں ضلع انتظامیہ نے پیر کے روز ڈسٹرکٹ ایمپلائمنٹ آفس کے ذریعے ایک روزگارمیلہ (یواسنگم کاریہ کرم) کا انعقاد کیا، جس کا مقصد بے روزگار درخواست دہندگان کو ایک ہی چھت کے نیچے روزگار اور خود روزگار کے مواقع فراہم کرنا تھا۔ اس پروگرام میں 11 کمپنیوں کی جانب سے خالی آسامیوں کو پر کرنے کے لیے کل 113 نوجوانوں کا انتخاب کیا گیا۔

ڈسٹرکٹ ایمپلائمنٹ آفس کے ڈپٹی ڈائریکٹر پی ایس منڈلوئی نے بتایا کہ اس روزگارمیلہ کے لیے کل 237 امیدواروں نے رجسٹریشن کروائی تھی، جن میں 172 نوجوان مرد اور 65 نوجوان خواتین شامل تھیں۔ فارماسسٹ، ایچ آر، سیلز ایگزیکٹو، اسسٹنٹ مینیجر، ڈیجیٹل مارکیٹنگ، ٹیلی کالر، بیک آفس، ٹرینی، فٹر، ویلڈر، الیکٹریشن، سی او پی اے، ٹرینر، آپریٹر وغیرہ جیسے عہدوں کے لیے ابتدائی طور پر کل 113 درخواست دہندگان کا انتخاب کیا گیا تھا۔

انہوں نے بتایا کہ روزگار میلے میں، ڈسٹرکٹ انڈسٹریز سینٹر کے مینیجر نے آٹھ خود روزگار درخواست دہندگان کو حکومت کی طرف سے چلائی جانے والی خود روزگارا سکیموں کے بارے میں معلومات اور رہنمائی فراہم کی۔ انہیں خود روزگار کے لیے کیس تیار کرنے کی بھی ترغیب دی گئی۔ حکومت کی اپرنٹس شپ اسکیم کے تحت چار درخواست دہندگان کو منتخب کرکے کمپنیوں کو بھیجا گیا۔ پروگرام کو تینوں محکموں کے افسران اور ملازمین کی شرکت سے کامیابی کے ساتھ مکمل کیا گیا۔

---------------

ہندوستان سماچار / عبدالسلام صدیقی