سیوان، یکم جون (ہ س) ۔ریلوے پروٹیکشن فورس کے کرائم پریوینشن اینڈ ڈیٹیکشن اسکواڈ، آر پی ایف پوسٹ سیوان اور جی آر پی سیوان کی مشترکہ کارروائی میں دو شراب اسمگلروں کو میروا ریلوے اسٹیشن پر گرفتار کیا گیا۔ ان کے پاس سے 14.6 لیٹر دیسی شراب برآمد ہوئی۔

معلومات کے مطابق وارانسی کے سینئر ڈیویژنل سیکورٹی کمشنر کی ہدایات اور انسپکٹر انچارج سیوان سبھاش چندر یادو کے حکم پر اتوار کے روز میروا ریلوے اسٹیشن کے پلیٹ فارم نمبر 2 پر فٹ اوور برج کے قریب مشترکہ تلاشی مہم چلائی جارہی تھی۔ تحقیقات کے دوران دو مشکوک افراد کو ہینڈ بیگ اور جسم میں شراب چھپا کر لے جاتے ہوئے پکڑا گیا۔

دوران تلاشی ان کے قبضے سے رومیو راجہ لائم دیسی شراب کی 73200 ملی لیٹر کی بوتلیں برآمد ہوئیں۔ ضبط کی گئی شراب کی کل مقدار 14.600 لیٹر ہے اور اس کی تخمینہ قیمت 4,015 روپے ہے۔ برآمد شدہ شراب کو مزید کارروائی کے لیے جی آر پی سیوان کے حوالے کر دیا گیا۔

اس سلسلے میں بہار امتناعی اور آبکاری (ترمیمی) ایکٹ کی دفعہ 30( اے) کے تحت سیوان جی آر پی تھانہ میں مقدمہ نمبر 9226 درج کیا گیا ہے۔

گرفتار ملزمین کی شناخت جناردن سنگھ (58 سال) ولد راج بہورنا سنگھ ساکن رتاسیہ، بنکاٹا تھانہ، دیوریا ضلع، اتر پردیش اور انور انصاری (40 سال) ولد نتھونی انصاری، ساکن پرتاپ پور، شریرام پور تھانہ، دیوریا ضلع، اتر پردیش کے طور پر کی گئی ہے۔

کرائم پریوینشن اینڈ ڈیٹیکشن اسکواڈ کے سب انسپکٹر شیلیندر کمار پانڈے، جی آر پی ایس آئی ٹی کے سرجیت کمار، کانسٹیبل وجے کمار یادو، کانسٹیبل امریندر سنگھ اور سیوان آر پی ایف چوکی کے کانسٹیبل ببلو کمار یادو اس آپریشن میں شامل تھے۔

ہندوستھان سماچار

ہندوستان سماچار / Mohammad Afzal Hassan