بھاگلپور، یکم جون (ہ س)۔ مسافروں کی حفاظت کو یقینی بنانے اور کسی بھی ہنگامی صورت حال سے مؤثر طریقے سے نمٹنے کے لیے پیر کے روز بھاگلپور ریلوے اسٹیشن پر ریلوے پروٹیکشن فورس (آر پی ایف )، جنرل ریزرو پولیس فورس (جی آر پی ) اور ریلوے کے مختلف محکموں کے ذریعے ایک مشترکہ ماک ڈرل کا انعقاد کیا گیا۔ ماک ڈرل کے دوران ٹرین حادثے، اسٹیشن کے احاطے میں آگ لگنے، بھگدڑ مچنے، مشکوک اشیاء کی دریافت اور دیگر آفات سے متعلق حالات کی صورت میں فوری اور مربوط ردعمل کے طریقہ کار پر عمل کیا گیا۔ مختلف محکموں کے افسران اور ملازمین نے حصہ لیا، جس میں ہم آہنگی کا مظاہرہ کیا، راحت اور بچاؤ کے کاموں، زخمیوں کو محفوظ مقام پر منتقل کرنے اور مسافروں کو ضروری امداد فراہم کی۔

ہندوستھان سماچار

ہندوستان سماچار / Mohammad Afzal Hassan