کشن گنج، یکم جون (ہ س)۔وویک ایکسپریس کی 25 سالہ خاتون مسافر کشن گنج ریلوے اسٹیشن سے پراسرار طور پر لاپتہ ہوگئی۔

آسام سے تمل ناڈو جانے والی خاتون کے شوہر نے اغوا کا شبہ ظاہر کرتے ہوئے ٹاؤن تھانہ میں تحریری شکایت درج کرائی ہے۔ پولیس نے سنجیدگی سے تفتیش شروع کر دی ہے۔

موصولہ اطلاع کے مطابق آسام کے دھوبری ضلع کے آئرن جونگلا کے رہنے والے روبل شیخ نے پولیس کو دی گئی اپنی درخواست میں کہا ہے کہ اس کی اہلیہ رشیدہ خاتون اپنی بہن نذیرہ خاتون کے ساتھ 22 مئی کو کوچ بی-2 میں نیو کوچ بہار سے تامل ناڈو کے شہر تروپور جانے والی وویک ایکسپریس میں سوار ہوئیں۔

سفر کے دوران جب ٹرین کشن گنج ریلوے اسٹیشن پر رکی تو رشیدہ خاتون اپنی بہن کو سوتی چھوڑ کر ٹرین سے اتر گئیں۔ بتایا جاتا ہے کہ رشیدہ کچھ نقدی اور زیورات لے کر جا رہی تھی۔ بعد ازاں ساتھی مسافروں نے نذیرہ خاتون کو بتایا کہ ان کی بہن پلیٹ فارم پر اترنے کے بعد اسٹیشن سے نکل گئی ہے۔

وہ تب سے لا پتہ ہے۔ جب گھر والوں نے اس سے رابطہ کرنے کی کوشش کی تو اس کا موبائل فون بار بار بند بتا رہا ہے ۔ روبل شیخ نے بتایا کہ وہ تمل ناڈو کے تروپور میں درزی ہے اور اس کی بیوی وہاں اس کے ساتھ رہتی تھی۔

انہوں نے الزام لگایا کہ تقریباً پانچ ماہ قبل انہیں معلوم ہوا کہ اس کی بیوی شرون کمار نامی شخص سے فیس بک پر رابطہ کر رہی ہے۔ جس کو لیکر جوڑے کے درمیان جھگڑا ہو گیا۔ روبل کا دعویٰ ہے کہ جب اس نے اپنی بیوی سے بحث کرنے کی کوشش کی تو شرون کمار نے رشیدہ کو اغوا کرنے کی دھمکی دی۔

متاثرہ کے شوہر کا الزام ہے کہ جب اس نے شرون کمار اور اس کے دوست شیوم کشواہا سے رابطہ کیا تو انہوں نے رشیدہ رکھنے کا اعتراف کیا۔ اس کے بعد اس نے اغوا کا خدشہ ظاہر کیا اور پولیس کارروائی کا مطالبہ کیا۔

ٹاؤن تھانہ انچارج نثار احمد نے بتایا کہ موصول ہونے والی درخواست کی بنیاد پر مقدمہ درج کرلیا گیا ہے۔ پولیس تمام پہلوؤں کو مدنظر رکھتے ہوئے تفتیش کر رہی ہے اور خاتون کی بازیابی کے لیے ضروری کارروائی کی جا رہی ہے۔

ہندوستھان سماچار

ہندوستان سماچار / Mohammad Afzal Hassan