نئی دہلی، یکم جون (ہ س)۔ کاکروچ جنتا پارٹی (سی جے پی) کے نام سے ایک سوشل میڈیا ہینڈل چلانے والے ابھیجیت دیپکے نے اعلان کیا ہے کہ وہ 6 جون کو ہندوستان واپس آکر وزیر تعلیم دھرمیندر پردھان کے خلاف احتجاج کرنے کا اعلان کیا ہے۔

امریکہ کے بوسٹن میں رہنے والے مہاراشٹر کے رہائشی ابھیجیت دیپکےنے پیر کو ’’کاکروچ از بیک‘‘ نامی اکاؤنٹ پر شیئر کی گئی ایک ویڈیو میں کہا کہ وہ 6 جون بروز ہفتہ کی صبح ہندوستان واپس آئیں گے اور وزیر تعلیم دھرمیندر پردھان کے استعفیٰ کا مطالبہ کرتے ہوئے دہلی کے جنتر منتر پر پرامن احتجاج کریں گے۔ انہوں نے کہا کہ انہوں نے ہندوستان واپس آنے کا فیصلہ کیا ہے۔ سوالیہ پرچہ لیک ہونے سے نیٹ طلباء کی خودکشی اور لاکھوں طلباء کی محنت برباد ہوئی ہے جس کے لئے وزیر تعلیم کو استعفیٰ دینا چاہئے۔

دیپک نے دعویٰ کیا کہ اس معاملے پر 8 لاکھ طلباء نے ان کی پٹیشن پر دستخط کیے ہیں اور ملک بھر میں احتجاج ہو رہا ہے، لیکن حکومت نے اب تک کوئی ٹھوس قدم نہیں اٹھایا ہے۔

انہوں نے کہا کہ نیٹ کے 22لاکھ طلبا ، سی یو ٹی کے 16لاکھ کے طلبا اور ایس ایس سی جی ڈی کے 16لاکھ طلبا کل ملا کر ایک کروڑ سے زیادہ طلبا کا مستقبلخطرے میں ہے ۔ دیپکے نے حامیوں سے اپیل کی ہے وہ 6جون کو دہلی ہوائی اڈے پر ان کا استقبال کریں اور مل کر سنسد مارگ تھانے سے جنتر منتر پر پرامن احتجاج کی اجازت طلب کریں۔

سی جے پی کے بانی نے کہا کہ وقت آگیا ہے کہ طلباء آئین کے راستے پر چلتے ہوئے متحد ہوں اور پرامن طریقے سے دھرمیندر پردھان کے استعفیٰ کا مطالبہ کریں۔ حکومت سے جوابدہی کا مطالبہ کرتے ہوئے انہوں نے کہا کہ امتحانات سے متعلق تنازعات اور رکاوٹوں نے طلباء میں شدید تشویش پیدا کردی ہے۔

ہندوستھان سماچار

ہندوستان سماچار / محمد شہزاد