جموں 7 مئی (ہ س)۔ منشیات کے خلاف کارروائی کو مزید سخت کرتے ہوئے موٹر وہیکل ڈپارٹمنٹ کشتواڑ نے این ڈی پی ایس ایکٹ کے ایک ملزم کا ڈرائیونگ لائسنس منسوخ جبکہ واردات میں استعمال ہونے والی گاڑی کی رجسٹریشن معطل کر دی ہے۔

اطلاعات کے مطابق ڈپٹی کمشنر کی ہدایات پر اسسٹنٹ ریجنل ٹرانسپورٹ آفیسر نے یہ کارروائی انجام دی۔ یہ اقدام ضلع پولیس کی سفارشات کے بعد کیا گیا جس کا مقصد منشیات سے متعلق جرائم پر سخت قانونی کارروائی کو یقینی بنانا ہے۔

پولیس اسٹیشن کی جانب سے موصول سفارشات کی بنیاد پر جنید رمضان بٹ ولد محمد رمضان بٹ سکنہ ناگ بٹنا کنتواڑہ کا ڈرائیونگ لائسنس منسوخ کر دیا گیا۔ اس کارروائی کے بعد مذکورہ شخص کسی بھی موٹر گاڑی کو قانونی طور پر چلانے کا مجاز نہیں رہے گا۔

ادھر منشیات سے متعلق غیر قانونی سرگرمیوں میں استعمال ہونے والی گاڑی کی رجسٹریشن سرٹیفکیٹ بھی موٹر وہیکل ایکٹ کے تحت معطل کر دی گئی ہے تاکہ گاڑی کا مزید غلط استعمال روکا جا سکے۔

ہندوستھان سماچار

---------------

ہندوستان سماچار / محمد اصغر