نئی دہلی، 7 مئی (ہ س)۔

مرکزی تفتیشی بیورو (سی بی آئی) نے میرٹھ میں رشوت کے ایک معاملے میں سی جی ایس ٹی سپرنٹنڈنٹ سنجے مینا اور ان کے دفتر میں کام کرنے والے کمپیوٹر آپریٹر یش شرما کو گرفتار کیا ہے۔ ان دونوں پر شکایت کنندہ کو جاری شوکاز نوٹس کو منسوخ کرنے کے لیے 6000 روپے کی رشوت کا مطالبہ کرنے کا الزام ہے۔

سی بی آئی نے 6 مئی کو کیس درج کیا تھا۔ الزامات کے مطابق سپرنٹنڈنٹ کے دفتر میں کام کرنے والے کمپیوٹر آپریٹر نے سپرنٹنڈنٹ سنجے مینا کی جانب سے شکایت کنندہ سے رشوت طلب کی تھی۔ اس کے بعد سی بی آئی نے جال بچھا کر یش شرما کو رشوت لیتے ہوئے رنگے ہاتھوں پکڑ لیا۔ تحقیقات سے پتہ چلا کہ سپرنٹنڈنٹ کے لیے رشوت کی رقم مانگی جا رہی تھی۔

سی بی آئی نے کہا کہ سپرنٹنڈنٹ سنجے مینا اور کمپیوٹر آپریٹر یش شرما دونوں کو گرفتار کر لیا گیا ہے۔ فی الحال تفتیش جاری ہے، اور دیگر متعلقہ پہلوو¿ں سے بھی تفتیش کی جارہی ہے۔

ہندوستھان سماچار

ہندوستان سماچار / عطاءاللہ