سلطان پور، 7 مئی (ہ س) ۔

اترپردیش کے سلطان پور ضلع میں پوروانچل ایکسپریس وے کے جے سنگھ پور تھانہ علاقے میں بیر سنگھ پور کے قریب 143 کلومیٹر پر جمعرات کو ایک ایمبولینس اور ایک فارچیونر کی آمنے سامنے ٹکر ہوگئی۔ حادثے میں ایمبولینس میں سفر کرنے والے ایک نوجوان کی موت ہوگئی، جب کہ فارچیونر میں سفر کرنے والے ایک ہی خاندان کے چھ افراد اور ایمبولینس ڈرائیورشدید زخمی ہوگئے۔

فارچیونر، غازی پور سے لکھنو کا سفر کر رہی تھی، پوروانچل ایکسپریس وے پر کلومیٹر 143 تک پہنچنے سے پہلے، کلومیٹر 136 سے غلط راستے پر سفر کر رہی ایمبولینس سے ٹکرا گئی۔ ایمبولینس پیٹرول پمپ پر ایندھن لینے کے لیے سڑک کے غلط رخ پر جا رہی تھی۔

اس حادثے میں بھولو پرکاش (36) ولد جئے ناتھ ساکن گاﺅں تاجا، تھانہ سرائے لکھنسی، ضلع مﺅ، جو ایمبولینس میں سفر کر رہا تھا، شدید زخمی ہو گیا۔ اسے کورل کمپنی کی ایمبولینس میں ویرسنگھ پور کے سرکاری اسپتال لے جایا گیا، جہاں علاج کے دوران اس کی موت ہوگئی۔ ایمبولینس ڈرائیور کو علاج کے لیے کورے بھار کے سرکاری اسپتال بھیجا گیا ہے۔

اجے یادو، فارچیونر کا ڈرائیور اور رویندر ناتھ یادو کا بیٹا، جو گاوں ککراہی، تھانہ سید پور، غازی پور کے رہنے والا ہے، کو شدید چوٹیں آئیں۔ ان کے ساتھ غازی پور کے دولت پور نند گنج کے رہنے والے شیو سہائے کی بیوی پرتیما، پرتیما کی بیٹی کماری سومیا، کماری ساکشی، بھولے ناتھ کی بیٹی ککراہی، سید پور، غازی پور، ریما بیوی وکاس اور اجیت یادو کا بیٹا اوم بھی زخمی ہوئے ہیں۔ ان سبھی کو دوست پور کے سرکاری اسپتال بھیج دیا گیا ہے جہاں ان کا علاج جاری ہے۔ پانچ دیگر افراد کو معمولی چوٹیں آئی ہیں۔

واقعہ کی اطلاع ملنے کے بعد ایس ڈی ایم جے سنگھ پور اور سی او جے سنگھ پور موقع پر پہنچ گئے، تحقیقات کی اور زخمیوں کا حال دریافت کیا۔

سی او جے سنگھ پور سرکل آشوتوش کمار نے بتایا کہ پوروانچل ایکسپریس وے پر دو گاڑیاں آپس میں ٹکرا گئیں۔ ایک شخص جاں بحق، جب کہ چھ دیگر زخمی ہیں۔ زخمیوں کا اسپتال میں علاج جاری ہے۔ لاشوں کو پوسٹ مارٹم کے لیے بھیجا جا رہا ہے۔

---------------

ہندوستان سماچار / عبدالسلام صدیقی