جموں, 06 مئی (ہ س)۔

جموں و کشمیر کے لیفٹیننٹ گورنر منوج سنہا نے ضلع سانبہ کے سرحدی گاؤں ریگل کا دورہ کیا، جہاں انہوں نے بنیادی ڈھانچے کو مضبوط بنانے اور عوامی سہولیات میں بہتری لانے کے مقصد سے مختلف ترقیاتی منصوبوں کا سنگِ بنیاد رکھا۔اس موقع پر سرحدی دیہات کی اہمیت کو اجاگر کرتے ہوئے لیفٹیننٹ گورنر نے کہا کہ اب یہ علاقے ملک کے آخری گاؤں نہیں رہے بلکہ انہیں بھارت کے پہلے گاؤں کے طور پر دیکھا جا رہا ہے۔انہوں نے کہا کہ ہمارے سرحدی گاؤں اب بھارت کے آخری گاؤں نہیں بلکہ پہلے گاؤں ہیں اور ہم ان کی ہمہ جہتی ترقی کے لیے پُرعزم ہیں۔لیفٹیننٹ گورنر نے سرحدی علاقوں کی جامع ترقی کے لیے انتظامیہ کے عزم کو دہراتے ہوئے کہا کہ بنیادی ڈھانچے، رابطہ سڑکوں، عوامی سہولیات اور روزگار کے مواقع پر خصوصی توجہ دی جا رہی ہے تاکہ سرحدی علاقوں میں رہنے والے لوگوں کے معیارِ زندگی کو بہتر بنایا جا سکے۔

ہندوستھان سماچار

---------------

ہندوستان سماچار / محمد اصغر