جموں, 06 مئی (ہ س)۔
ضلع ڈوڈہ میں پولیس نے غیر قانونی پٹرول و ڈیزل کی خرید و فروخت کے خلاف کارروائی کرتے ہوئے 225 لیٹر ایندھن برآمد کر لیا اور ایک شخص کو گرفتار کر لیا۔پولیس کے مطابق پولیس کو خفیہ اطلاع ملی تھی کہ کاستی گڑھ کا رہائشی نعمت اللہ ولد شبیر احمد بغیر اجازت پٹرول اور ڈیزل کی خرید و فروخت میں ملوث ہے اور اپنی آلٹو کار کے ذریعے ایندھن منتقل کر رہا ہے۔ اطلاع پر فوری کارروائی کرتے ہوئے پولیس ٹیم نے ناکہ بندی کر کے گاڑی کو روک لیا۔
تلاشی کے دوران گاڑی سے تقریباً 225 لیٹر پٹرول و ڈیزل برآمد ہوا، جس کے بعد ملزم کو موقع پر ہی گرفتار کر لیا گیا جبکہ گاڑی کو بھی ضبط کر لیا گیا۔
پولیس نے اس سلسلے میں ایف آئی آر نمبر 108/2026 درج کر کے مزید تحقیقات شروع کر دی ہیں تاکہ اس غیر قانونی نیٹ ورک کے دیگر پہلوؤں کا پتہ لگایا جا سکے۔پولیس نے کہا ہے کہ غیر قانونی کاروبار میں ملوث عناصر کے خلاف سخت کارروائی جاری رہے گی اور عوام سے اپیل کی گئی ہے کہ ایسی سرگرمیوں کی اطلاع فوری طور پر پولیس کو دیں۔
ہندوستھان سماچار
---------------
ہندوستان سماچار / محمد اصغر
