سپول، 6 مئی (ہ س)۔ اقتصادی جرائم یونٹ نے سپول ضلع کے سب رجسٹرار امریندر کمار کے خلاف غیر متناسب اثاثہ جات بنانے کا مقدمہ درج کیا ہے۔

اس سلسلے میں اقتصادی جرائم یونٹ تھانہ معاملہ نمبر 06/26، مورخہ 2026کے تحت بدعنوانی کی روک تھام ایکٹ 1988 (ترمیم شدہ 2018) کی دفعہ 13(1)(بی) کے تحت ایف آئی آر درج کی گئی ہے۔ تحقیقات کے دوران یہ انکشاف ہوا ہے کہ امریندر کمار نےآمدنی سے تقریباً 1کروڑ 10 لاکھ 64ہزار روپے سے زیادہ کی املاک جمع کی ہے ۔ جو ان کی کل آمدنی سے تقریباً 08.65 فیصد زیادہ ہے۔

معاملے میں مزید کارروائی کی گئی ہے اور اسپیشل ویجیلنس کورٹ، پٹنہ سے سرچ وارنٹ حاصل کیا گیا ہے۔ اس کے بعد 6 مئی 2026 کی صبح ڈپٹی سپرنٹنڈنٹ سطح کے افسران کی قیادت میں الگ الگ ٹیموں نے چار مقامات پر بیک وقت چھاپہ ماری کی ۔ جن مقامات کی تلاشی لی جا رہی ہے ان میں پٹنہ کے آشیانہ-دیگھا روڈ پر راج اپارٹمنٹس میں ایک فلیٹ، سارن (چھپرہ) میں ان کا آبائی گھر، سپول میں ایک دفتر اور کرائے کی رہائش گاہ شامل ہے۔

اس وقت تمام مقامات پر سرچ آپریشن جاری ہے۔اقتصادی جرائم یونٹ نے کہا ہے کہ چھاپہ ماری مکمل ہونے کے بعد ہی تفصیلی معلومات شیئر کی جائیں گی۔ سپول میں چھاپہ ماری سے شہر میں ہلچل مچ گئی۔

ہندوستھان سماچار

ہندوستان سماچار / Mohammad Afzal Hassan