کولکاتا، 6 مئی (ہ س)۔ مغربی بنگال میں اسمبلی انتخابات کے نتائج کے اعلان کے بعد کئی علاقوں سے تشدد اور کشیدگی کی اطلاعات سامنے آئی ہیں۔ بدھ کو میڈیا سے بات کرتے ہوئے ریاستی پولیس کے ڈائریکٹر جنرل سدھاناتھ گپتا نے کہا کہ سب سے زیادہ واقعات آسنسول، کوچ بہار اور باروئی پور علاقوں میں پیش آئے۔ تاہم، انہوں نے مزید کہا کہ بدھ کی صبح سے کوئی ناخوش گوارکی اطلاع نہیں ملی ہے۔ڈی جی پی نے کہا کہ نانور اور نیو ٹاو¿ن علاقوں میں دو اموات کی اطلاع ملی ہے۔ انتخابات کے بعد تشدد کے سلسلے میں اب تک 200 سے زیادہ ایف آئی آر درج کی گئی ہیں۔ ان معاملات میں 433 افراد کو گرفتار کیا گیا ہے۔ احتیاطی تدابیر کے طور پر 1100 سے زائد افراد کو حراست میں بھی لیا گیا ہے۔سدھناتھ گپتا نے کہا کہ پولیس کی سختی اور مسلسل کارروائی کی وجہ سے اب صورتحال کافی حد تک قابو میں ہے اور بدھ کی صبح سے کسی ناخوشگوار واقعہ کی اطلاع نہیں ملی ہے۔

انہوں نے سابق وزیر اعلیٰ ممتا بنرجی اور ترنمول کانگریس لیڈر ابھیشیک بنرجی کے لیے بھی سیکورٹی صورتحال کو واضح کیا۔ ڈی جی پی نے کہا کہ دونوں کو پہلے کی طرح زیڈ پلس سیکیورٹی مل رہی ہے اور کوئی سیکیورٹی واپس نہیں لی گئی ہے۔انہوں نے واضح کیا کہ زیڈ پلس سیکورٹی اہلکار ’یلو بک‘ کے قوانین کے مطابق تعینات ہیں۔ امن و امان برقرار رکھنے کے لیے اضافی فورس کو ہٹا کر تعینات کر دیا گیا ہے۔ اس لیے سیکیورٹی میں کمی کا دعویٰ درست نہیں ہے۔

ہندوستھان سماچار

ہندوستان سماچار / Mohammad Khan