علی گڑھ, 06 مئی (ہ س)۔

علی گڑھ مسلم یونیورسٹی کے شعبہ ڈرماٹولوجی کی ایم ڈی (ڈی وی ایل) کی طالبہ ڈاکٹر آشِما راؤ نے نئی دہلی کے انڈیا ہیبی ٹیٹ سینٹر میں منعقدہ 26ویں انٹرنیشنل پیگمنٹ سیل کانفرنس اور 7ویں پیگمنٹری کون 2026 میں پیپر پرزنٹیشن میں تیسرا مقام حاصل کیا۔

انہوں نے کانفرنس کے دوران ”سفید داغ کے مریضوں میں نظامی سوزش اور آکسیڈیٹو اسٹریس کے ہیمیٹولوجیکل اشاریوں کا جائزہ“ کے عنوان پر اپنا تحقیقی مقالہ پیش کیا۔ یہ کانفرنس انٹرنیشنل فیڈریشن آف پیگمنٹ سیل سوسائٹیز اور ایشین سوسائٹی فار پیگمنٹ سیل ریسرچ کے اشتراک سے منعقد کی گئی تھی۔

شعبہ ڈرماٹولوجی کے چیئرمین ڈاکٹر محمد عادل، نیز فیکلٹی ممبران پروفیسر سید سہیل امین اور ڈاکٹر صائمہ ناز نے ڈاکٹر آشِما راؤ کو اس دستیابی پر مبارکباد پیش کی۔

---------------

ہندوستان سماچار / سید کامران علی گڑھ