علی گڑھ, 06 مئی (ہ س)۔

اے ایم یو اے بی کے ہائی اسکول (گرلز) کی طالبات نے پنیٹھی اسٹیڈیم میں منعقدہ ساتویں ریاستی سطح کی کبڈی چیمپئن شپ میں پہلا مقام حاصل کیا۔ ٹیم نے پورے ٹورنامنٹ کے دوران شاندار کارکردگی کا مظاہرہ کیا اور فائنل مقابلے میں باغپت کی ٹیم کو شکست دے کر خطاب پر قبضہ کیا۔

اسپورٹس ٹیچر مسٹر ذیشان نواب کی کاوشوں کو سراہا گیا، جنہوں نے ٹیم کی رہنمائی کی۔ ہیڈ مسٹریس و نائب پرنسپل ڈاکٹر صبا حسن اور کوآرڈی نیٹر ڈاکٹر فرحت پروین نے طالبات کو اس کامیابی پر مبارکباد پیش کی اور ان کی حوصلہ افزائی کی۔

ٹیچر اِنچارج مس شہناز اختر، نیز سینئر اساتذہ مسٹر ندیم احمد اور مس کوثر شہاب نے بھی طالبات کی محنت اور لگن کو سراہا۔

---------------

ہندوستان سماچار / سید کامران علی گڑھ