امبیڈکر نگر، 4 مئی (ہ س) ۔

اترپردیش کے امبیڈکر نگر ضلع میں اتوار کی دیر رات سڑک حادثہ میں آٹھ افراد کی موت ہوگئی۔ ایڈیشنل سپرنٹنڈنٹ آف پولیس (ایسٹ) تیجویر سنگھ نے اس کی تصدیق کی۔ انہوں نے بتایا کہ رات 11:30 بجے اکبر پور جلال پور روڈ پر اشرف پور بھووا بھٹہ کے قریب دو موٹر سائیکل سوار آپس میں ٹکرا گئے۔ حادثے میں موٹر سائیکل سواروں میں سے دو شدید زخمی ہو گئے۔

انہوں نے بتایا کہ آس پاس کے کچھ لوگ زخمیوں کو اسپتال لے جانے کی کوشش کر رہے تھے۔ اسی دوران جلال پور سے آنے والی سوئفٹ ڈیزائر کار بے قابو ہو کر راہگیروں سے ٹکرا گئی۔ اس واقعے میں چھ دیگر افراد شدید زخمی بھی ہوئے۔ اطلاع ملتے ہی جلال پور سرکل آفیسر اور جلالپور پولیس اسٹیشن فوراً پہنچے اور لوگوں کی مدد سے زخمیوں کو سی ایچ سی جلالپور ناگپور لے جایا گیا، جہاں چھ افراد کو مردہ قرار دیا گیا۔ دو شدید زخمیوں کو ضلع اسپتال ریفر کیا گیا، جہاں سے انہیں ٹانڈہ میڈیکل کالج ریفر کردیا گیا۔ دونوں افراد دوران علاج دم توڑ گئے۔

ہندوستھان سماچار

ہندوستان سماچار / عطاءاللہ