نئی دہلی، 3 مئی (ہ س). دہلی کی وزیر اعلیٰ ریکھا گپتا نے وویک وہار میں آتشزدگی میں نو لوگوں کی موت پر غم کا اظہار کیا۔ اپنے سوشل میڈیا اکاو¿نٹ پر ایک پوسٹ میں انہوں نے کہا کہ عمارت میں آگ لگنے سے جانی نقصان پر دل ودماغ بہت دکھی ہے۔

وزیراعلیٰ نے کہا کہ حادثے میں زخمی ہونے والے قریبی اسپتال میں زیر علاج ہیں اور ان کی جلد صحت یابی کی خواہش کی۔ انہوں نے کہا، ”دکھ کی اس گھڑی میں میری متاثرین کے خاندانوں کے ساتھ میری ہمدردی ہے۔ ایشور سے دعا ہے کہ وہ انہیں اس مشکل وقت کو برداشت کرنے کی طاقت دے۔

وزیر اعلیٰ نے کہا کہ مقامی انتظامیہ، ڈسٹرکٹ ڈیزاسٹر مینجمنٹ اتھارٹی (ڈی ڈی ایم اے)، دہلی فائر سروس اور دہلی پولیس کے تمام سینئر اہلکار راحت اور بچاو¿ کاموں میں سرگرم ہیں۔ انہوں نے مزید کہا کہ صورتحال پر مسلسل نظر رکھی جا رہی ہے اور متاثرہ افراد کی ہر ممکن مدد کو یقینی بنایا جا رہا ہے۔ ہمارے مقامی ایم ایل اے اور میونسپل کونسلر بھی امدادی سرگرمیوں میں اپنا تعاون دے رہے ہیں۔ دہلی حکومت اس مشکل وقت میں متاثرہ خاندانوں کے ساتھ مضبوطی سے کھڑی ہے۔

قابل ذکر ہے کہ دہلی فائر سروس کو اتوار کی صبح تقریباً 3:48 بجے وویک وہار پولیس اسٹیشن سے آگ لگنے کے بارے میں کال موصول ہوئی۔ محکمہ فائر بریگیڈ کے اہلکاروں کے پہنچنے پرپتہ چلا کہ عمارت کے کئی فلیٹ آگ کی زد میں آگئے تھے۔ ریسکیو آپریشن کے دوران مختلف منزلوں سے نو لاشیں نکال لی گئیں۔ پولیس کے مطابق دوسری منزل پرپیچھے کے فلیٹ سے ایک ہی خاندان کے پانچ افراد کی لاشیں ملی ہیں۔

ہندوستھا ن سماچار

ہندوستان سماچار / محمد شہزاد