پورنیہ، 29 مئی (ہ س)۔سول کورٹ کے احاطے میں اس وقت افراتفری مچ گئی جب ایک خاتون نے اپنے شوہر کو پکڑ کر مارنا شروع کر دیا۔ اس نے اس کا کالر پکڑا، اسے گھسیٹ کر پیٹا، اسے نیچے پھینکنے کی کوشش کی اور اس کا ہاتھ بھی کاٹا۔ واقعے کے دوران عدالت احاطے میں موجود پولیس اہلکاروں نے خاتون کو سمجھا کرالگ کرنے کی کوشش کی لیکن وہ کافی دیر تک مارتی رہی۔عینی شاہدین کے مطابق صورتحال بگڑنے پر عدالتی ڈیوٹی پر موجود دیگر مرد و خواتین پولیس اہلکاروں کو بلانا پڑا، کافی کوشش کے بعد جوڑے کو عدالت کے احاطے سے باہر گلی میں لے جایا گیا تاہم وہاں ہنگامہ آرائی جاری رہی۔ سینکڑوں لوگوں کا ہجوم جائے وقوعہ پر جمع ہو گیا۔سونی کماری نامی خاتون نے الزام لگایا کہ اس کی شادی مرغوب عالم سے ہوئی تھی اور شادی کے بعد اسے اپنے ساتھ نہیں رکھ رہا ہے ۔ اس نے الزام لگایا کہ اس کے شوہر نے اسے بنگلور کے ریڈ لائٹ ایریا میں بیچ دیا اور دوسری عورت سے شادی کر لی۔خاتون کا کہنا ہے کہ دونوں کے درمیان عدالت میں مقدمہ چل رہا ہے اور وہ اسی سلسلے میں عدالت آئی تھی۔ اس نے یہ بھی الزام لگایا کہ چند روز قبل اس کے شوہر نے ساتھ رہنے کا وعدہ کرتے ہوئے ا س کی زمین بیچ دی اور اس سے دو لاکھ روپے لے لیے۔شوہر مرغوب عالم نے خاتون کے الزامات کی تردید کرتے ہوئے کہا کہ اس کی بیوی اس پر تشدد کرتی ہے۔ اس نے کہا اگر وہ اتنے سارے لوگوں کے سامنے ایسا سلوک کرتی ہے تو اس سے پہلے وہ میرے ساتھ کیسا سلوک کرتی ہوگی۔ خاتون کا گھر مبینہ طور پر کوسکا پور علاقہ میں ہے جبکہ مرد کا گھر بیسرا وشن پور میں بتایا جاتا ہے۔ عدالت احاطے میں کافی دیر تک یہ معاملہ زیر بحث رہا۔

ہندوستھان سماچار

ہندوستان سماچار / Mohammad Afzal Hassan