نئی دہلی،29مئی (ہ س)۔ وزارت خارجہ نے کہا ہے کہ دونوں ممالک کے ورکنگ میکانزم فار کنسلٹیشن اینڈ کوآرڈینیشن آن بارڈر افیئرز (ڈبلیو ایم سی سی) کے تحت ہندوستان اور چین کے عہدیداروں کے درمیان 35 ویں میٹنگ بیجنگ میں آئی ڈی 2 پر ہوئی۔ اس میٹنگ میں ہندوستان کی طرف سے متعلقہ جوائنٹ سکریٹری نے شرکت کی۔میٹنگ میں سرحدی انتظام، حد بندی، سرحدی تعاون اور نظام سازی پر تبادلہ خیال کیا گیا۔ اجلاس میں اس بات پر زور دیا گیا کہ دونوں ممالک کے درمیان بہنے والے دریاو¿ں سے متعلق موضوعات پر ماہرین کی سطح پر بات چیت جلد ہونی چاہیے۔وزارت خارجہ کے ترجمان رندھیر جیسوال نے جمعہ کو ایک پریس کانفرنس میں کہا کہ دونوں فریقوں کے درمیان بات چیت بامعنی اور ایک قدم آگے تھی۔ انہوں نے کہا کہ ہم دونوں ممالک سے سرحدی سوال پر خصوصی نمائندوں کے درمیان مشاورت میں طے شدہ اتفاق رائے پر پیش رفت دیکھنا چاہیں گے۔ خصوصی نمائندوں کا اگلا اجلاس چین میں ہوگا۔ دونوں ممالک اس کے لیے تیاری کر رہے ہیں۔جموں و کشمیر پر چین اور پاکستان کے بیانات پر ترجمان نے کہا، ہم اس سلسلے میں اپنا موقف پہلے ہی واضح کر چکے ہیں۔ہندوستھان سماچار

ہندوستان سماچار / Mohammad Khan