بیڑ، 29 مئی (ہ س)۔ آشٹی شہر میں پمپلیشور مہادیو مندر کے قریب واقع کھلے کھیت اور ببول کے درختوں کی جھاڑیوں میں غیر قانونی ذبح کے مقصد سے بے رحمی کے ساتھ باندھ کر رکھے گئے 55 مویشیوں کو آشٹی پولیس نے چھاپہ مار کارروائی کے دوران آزاد کرا لیا۔ اس کارروائی میں پولیس نے 48 گائیں اور بیل، 3 بچھڑے اور 4 جرسی گائیں سمیت مجموعی طور پر 55 جانوروں کو اپنی تحویل میں لیا۔پولیس کو خفیہ اطلاع ملی تھی کہ مندر کے اطراف موجود جھاڑیوں اور کھیتوں میں بڑی تعداد میں مویشیوں کو ذبح کے لیے باندھ کر رکھا گیا ہے۔ اس اطلاع کی بنیاد پر پولیس نے کارروائی کرتے ہوئے گوارے بستی میں بھی چھاپہ مارا، جہاں مزید 51 گوونش جانوروں کو ذبح کے ارادے سے بے رحمی کے ساتھ باندھ کر رکھا گیا تھا۔اس کارروائی کے دوران پولیس نے تقریباً 10 لاکھ 64 ہزار روپے مالیت کے مویشی ضبط کیے۔ اس معاملے میں پولیس حوالدار پروین کشیرساگر کی شکایت پر آشٹی پولیس اسٹیشن میں مقدمہ درج کر لیا گیا ہے، جبکہ دیگر مفرور اسمگلروں کی تلاش جاری ہے۔ پولیس نے تحویل میں لیے گئے تمام جانوروں کو گؤشالہ منتقل کر دیا ہے۔ حکام کا کہنا ہے کہ خدشہ ہے کہ ان جانوروں کو خڈکت علاقے میں غیر قانونی ذبح کے لیے لے جایا جانے والا تھا۔پولیس نے مقامی شہریوں سے اپیل کی ہے کہ وہ مشتبہ مویشی نقل و حمل پر نظر رکھیں اور کسی بھی مشکوک سرگرمی یا گاڑی کی اطلاع فوری طور پر پولیس کو دیں تاکہ غیر قانونی سرگرمیوں پر بروقت کارروائی کی جا سکے۔

ہندوستھان سماچار

--------------------

ہندوستان سماچار / جاوید این اے