پٹنہ، 29 مئی (ہ س)۔ تین روزہ سرودیہ سنکلپ کیمپ کا دوسرا مرحلہ بہار ریاستی کانگریس کے صدر دفتر صداقت آشرم میں منعقد ہوا اور اس کا افتتاح بہار ریاستی کانگریس کمیٹی کے صدر راجیش رام نے شمع روشن کر کیا۔ یہ تربیتی کیمپ 29، 30 اور 31 مئی تک چلے گا۔اس موقع پر ریاستی کانگریس صدر راجیش رام نے کہا کہ بی جے پی باپو کے نظریے کو تباہ کرنے کی کوشش کر رہی ہے اور آر ایس ایس کے نظریے کو ملک میں نافذ کرنا چاہتی ہے۔ انہوں نے کہا کہ ہم کانگریسی مل کر باپو کے نظریے کو کبھی مرنے نہیں دیں گے۔انہوں نے کہا کہ سچائی اور عدم تشدد کے راستے پر چل کر باپو کے نظریے سے تنظیم کو مضبوط کیا جائے گا۔ ہم سب کو باپو کے خیالات اور اصولوں کو اپنانا ہوگا۔راجیش رام نے کہا کہ سروودیہ سنکلپ کیمپ اضلاع میں بھی منعقد کیا جائے گا اور دیسی مصنوعات کو فروغ دینے کے لیے ہر گاؤں میں لے جایا جائے گا۔اس موقع پر سروودیہ سنکلپ کیمپ کی چیئرپرسن اور سابق ڈی جی پی کرونا ساگر نے بھی اپنے خیالات کا اظہار کیا۔ پروگرام کی نظامت پارٹی لیڈر پریم چند سنگھ نے کی۔اس موقع پر سابق ڈی جی پی کرونا ساگر، اسٹیئرنگ کمیٹی کے کنوینر برجیش پرساد منن، میڈیا چیئرمین راجیش راٹھوڑ، کارگزار کنوینر اروند چودھری، پریم چند سنگھ، پنکج یادو، کمل کملیش، وملیش تیواری اور سنجے پانڈے موجود تھے۔

ہندوستھان سماچار

ہندوستان سماچار / Mohammad Afzal Hassan