علی گڑھ, 29 مئی (ہ س)۔

علی گڑھ کے روراور تھانہ علاقے کے نوگوا ارجن پور گاؤں میں ایک دل دہلا دینے والا واقعہ پیش آیا، جہاں ایک نوعمر لڑکا دو سالہ معصوم بچی کو اٹھا کر تقریباً 15 فٹ گہرے تالاب میں پھینک کر فرار ہو گیا۔

اطلاعات کے مطابق بچی اچانک گھر کے باہر سے لاپتہ ہو گئی، جس کے بعد اہل خانہ اور مقامی لوگوں نے اس کی تلاش شروع کر دی۔ اسی دوران کچھ لوگوں کی نظر تالاب میں پڑی، جہاں بچی پانی میں ڈوبتی ہوئی دکھائی دی۔ گاؤں والوں نے فوری طور پر تالاب میں اتر کر بچی کو باہر نکالا اور اس کی جان بچائی۔

واقعہ کے بعد علاقے میں سنسنی پھیل گئی اور لوگوں میں شدید غصہ پایا جا رہا ہے۔ اہل خانہ بچی کو اپنے ساتھ لے کر فوری طور پر پولیس اسٹیشن پہنچے اور پورے واقعہ کی اطلاع دی۔

پولیس نے معاملے کی جانچ شروع کر دی ہے اور نوعمر لڑکے کی تلاش جاری ہے۔ ابتدائی طور پر واقعہ کی وجوہات واضح نہیں ہو سکی ہیں، تاہم پولیس ہر پہلو سے تفتیش کر رہی ہے۔

مقامی لوگوں نے مطالبہ کیا ہے کہ ملزم کے خلاف سخت کارروائی کی جائے تاکہ آئندہ اس طرح کے واقعات نہ ہوں۔

---------------

ہندوستان سماچار / سید کامران علی گڑھ