بلندشہر، 28 مئی (ہ س)۔ اتر پردیش میں بلند شہر ضلع کے کوتوالی گلاوٹھی علاقے میں بدھ کی دیر رات سڑک حادثے میں تین نوجوانوں کی موت ہو گئی اور ایک نوجوان زخمی ہو گیا۔

بدھ کی دیر رات، کوتوالی گلاوٹھی علاقے میں خوشحال پور کٹ کے قریب، ایک بریزا کار جوعقیدتمندوں کو لے کر ورنداون جا رہی تھی، ہائی وے پر کنٹرول کھو بیٹھی اور سڑک کے کنارے کھائی میں گر گئی۔ حادثے میں تین لوگوں کی موت ہو گئی۔ ان کی شناخت بلند شہر ضلع کے سیانا بڈھا واجد پور کے رہنے والے شیوم،دیپک اور کانپور نگر کے آرین کے طور پر ہوئی ہے۔ وشال زخمی ہو گیا۔ پولیس نے لاشوں کو پوسٹ مارٹم کے لیے بھیج دیا اور لواحقین کو واقعے کی اطلاع دی۔

پولیس انسپکٹر دھرمیندر کمار شرما نے بتایا کہ بدھ کی رات دیر گئے ایک بریزا کار کسی کو بچانے کی کوشش کرتے ہوئے کنٹرول کھو بیٹھی اور الٹ کر کھائی میں گر گئی۔ حادثے میں تین نوجوان جاں بحق اور ایک زخمی ہوگیا۔ یہ سب ورنداون جا رہے تھے۔

---------------

ہندوستان سماچار / عبدالسلام صدیقی