سچا علم انسانی فلاح و بہبود کا راستہ ہموار کرتا ہے : وزیراعظم مودی

نئی دہلی، 26 مئی (ہ س)۔ وزیراعظم نریندر مودی نے آج صبح اپنے ایکس ہینڈل پر علم پر مرکوز سبھاشتم شیئر کیا ہے۔ انہوں نے اس کے ذریعے ملک اور سماج کو سچے علم کی اہمیت سمجھائی۔ انہوں نے لکھا، ’’سچا علم ملک، سماج اور تمام انسانیت کی فلاح و بہبود کا راستہ ہموار کرتا ہے۔ اس لیے یہ ضروری ہے کہ ہمارا علم اور ہمارے اعمال پوری انسانیت کے لیے مشعلِ راہ بنے۔‘‘

وزیراعظم کے ایکس ہینڈل پر شیئر کیا گیا سبھاشتم اس طرح ہے- ’’آتما شدھہ سدا نِتیہ سکھ روپہ سویم پربھہ۔ اگنیانن ملنو بھاتی گنیانا چھدھو بھوتی ایم۔۔‘‘ انہوں نے اس شلوک کے پیچھے چھپے جذبے کا مفہوم سمجھاتے ہوئے علم اور عمل کو ایک دوسرے کا لازم و ملزوم بتایا اور پوری انسانیت کی فلاح و بہبود کی اپیل کی۔

اس کا مطلب ہے کہ روح فطری طور پر پاک ہوتی ہے۔ ہمیشہ برقرار رہتی ہے۔ خوشی کی شکل ہے اور خود روشن ہوتی ہے۔ جہالت کی وجہ سے یہ ناپاک یا محدود معلوم ہوتی ہے۔ علم حاصل ہوتے ہی یہ پھر سے پاک شکل میں روشن ہو جاتی ہے۔ اس شلوک کے ہر لفظ کے گہرے معنی ہیں۔ جیسے ’شدھہ‘ کا مطلب ہے- یہ فطری طور پر پاک اور بے گناہ ہے۔ ’سدا نیتیا‘ کے معنی ہیں کہ یہ ابدی اور لافانی ہے۔

ہندوستھان سماچار

---------------

ہندوستان سماچار / انظر حسن