جے پور، 25 مئی (ہ س)۔ امریکی وزیر خارجہ مارکو روبیو پیر کی سہ پہر جے پور پہنچے، ان کے ساتھ ان کی اہلیہ جینیٹ ڈی روبیو اور امریکی سفیر سرجیو گور بھی تھے۔

امریکی وزیر خارجہ آگرہ سے تقریباً 1بج کر45 منٹ پر جے پور ہوائی اڈے پر پہنچے۔ روبیو اپنے اہل خانہ کے ساتھ ہوائی اڈے سے سیدھے آمیر پیلس گئے۔ محل کے جلیب چوک پر روایتی راجستھانی انداز میں ان کا استقبال کیا گیا۔ لوک فنکاروں نے ان کے استقبال کے لیے روایتی گھومر، کالبیلیا اور کچھی گھوڑی پرفارمنس پیش کی۔ گائیڈ نے انہیں آمیر کے شیش محل، گنیش پول، دیوان عام، دیوان خاص، سکھ نواس اور ماوٹھا جھیل کے بارے میں معلومات فراہم کیں۔

آمیر کا دورہ کرنے کے بعد مارکو روبیو ہاتھی ولیج اور سٹی پیلس کا بھی دورہ کریں گے۔ روبیو جے پور کے ہیریٹیج ہوٹل رام باغ پیلس میں رات گزاریں گے۔ دورے کے لیے انتظامیہ اور سیکیورٹی ادارے الرٹ ہیں۔ ایک دن کے قیام کے بعد روبیو منگل کی صبح تقریباً ساڑھے چھ بجے دہلی کے لیے روانہ ہوں گے۔

ہندوستھان سماچار

---------------

ہندوستان سماچار / عبدالسلام صدیقی