باندرہ ٹرمینس-جبلپور ہفتہ وار اسپیشل ٹرین اب سپر فاسٹ ایکسپریس کے طور پر مستقل سروس میں تبدیل

ممبئی ، 25 مئی (ہ س)۔ مغربی ریلوے نے مسافروں کی سہولت اور باندرہ ٹرمینس و جبلپور کے درمیان مستقل ریل رابطہ فراہم کرنے کے مقصد سے ٹرین نمبر 02133/02134 باندرہ ٹرمینس-جبلپور-باندرہ ٹرمینس ہفتہ وار اسپیشل ٹرین کو باقاعدہ مستقل سروس میں تبدیل کرنے کا اعلان کیا ہے۔ اب یہ ٹرین نئی نمبرنگ 20163/20164 کے تحت باندرہ ٹرمینس-جبلپور ہفتہ وار سپر فاسٹ ایکسپریس کے طور پر چلائی جائے گی۔

مغربی ریلوے کے چیف پبلک ریلیشن آفیسر ونیت ابھیشیک کی جانب سے جاری پریس ریلیز کے مطابق، ٹرین نمبر 20163 باندرہ ٹرمینس-جبلپور ہفتہ وار سپر فاسٹ ایکسپریس کی مستقل سروس 30 مئی 2026 سے باندرہ ٹرمینس سے شروع ہوگی، جبکہ ٹرین نمبر 20164 جبلپور-باندرہ ٹرمینس سپر فاسٹ ایکسپریس کی سروس 29 مئی 2026 سے جبلپور سے روانہ ہوگی۔

ٹرین نمبر 20163 ہر ہفتہ کو باندرہ ٹرمینس سے شام 4:30 بجے روانہ ہوگی اور اگلے دن سہ پہر 3:10 بجے جبلپور پہنچے گی۔ اسی طرح ٹرین نمبر 20164 ہر جمعہ کو جبلپور سے شام 5:00 بجے روانہ ہوگی اور اگلے دن دوپہر 2:15 بجے باندرہ ٹرمینس پہنچے گی۔ یہ ٹرین دونوں سمتوں میں بوریولی، واپی، سورت، ودودرہ، رتلام، اجین، سنت ہردرام نگر، بھوپال، نرمداپورم، اٹارسی، پپریا اور نرسنگھ پور اسٹیشنوں پر رکے گی۔ ٹرین میں فرسٹ اے سی، اے سی ٹو ٹائر، اے سی تھری ٹائر، سلیپر کلاس اور جنرل سیکنڈ کلاس ڈبے موجود ہوں گے۔

ریلوے انتظامیہ نے ٹرین نمبر 02133/02134 باندرہ ٹرمینس-جبلپور اسپیشل ٹرین میں پہلے سے ریزرویشن کروانے والے مسافروں سے اپیل کی ہے کہ وہ نئی ٹرین نمبرنگ 20163/20164 کو مدنظر رکھیں، کیونکہ مذکورہ تاریخوں سے یہی ٹرین نئے نمبروں کے تحت چلائی جائے گی۔ ٹرین کے اوقات، اسٹاپیج اور کوچ ساخت سے متعلق تفصیلی معلومات ریلوے کی سرکاری ویب سائٹ پر دستیاب ہیں۔

ہندوستھان سماچار

--------------------

ہندوستان سماچار / جاوید این اے