نئی دہلی، 25 مئی (ہ س)۔ ہندوستانی سینئر مردوں کی فٹ بال ٹیم یونٹی کپ 2026 میں حصہ لینے کے لئے 17 کھلاڑیوں کے ساتھ 24 مئی کو لندن پہنچ گئی۔ اتوار کی صبح بنگلورو سے روانہ ہوئی ہندوستانی ٹیم 2002 کے بعد پہلی بار برطانوی سرزمین پر کوئی میچ کھیلے گی۔

ہیڈ کوچ خالد جمیل کی ٹیم نے انڈین سپر لیگ 2025-26 کے اختتام کے ایک دن بعد 22 مئی کو بنگلورو میں تربیتی کیمپ شروع کیا۔ تاہم، 23 مئی کو محمڈن باغان سپر جائنٹس نے اپنے کھلاڑیوں کو قومی کیمپ سے واپس بلا لیا۔ ہندوستان بعد میں بقیہ 17 کھلاڑیوں کے ساتھ لندن روانہ ہوا۔ گول کیپر ریتک تیواری الگ سے سفر کر رہے ہیں اور آج ٹیم کو جوائن کریں گے۔

فیفا رینکنگ میں 136 ویں نمبر پر موجود ہندوستان کا مقابلہ 27 مئی کی نصف شب(ہندوستانی وقت کے مطابق28 مئی) کو دوسرے سیمی فائنل میں جمیکا (71 ویں رینکنگ والی ٹیم) سے ہوگا۔ پہلے سیمی فائنل میں 26 ویں نمبر کی نائیجیریا کا مقابلہ 130 ویں رینکنگ والی زمبابوے کی ٹیم سے ہوگا۔

دونوں سیمی فائنلز سے ہارنے والی ٹیمیں 30 مئی کو تیسری پوزیشن کے لئے ہونے والے میچ میں آمنے سامنے ہوں گی۔ تمام میچز لندن کے دی ویلی اسٹیڈیم میں کھیلے جائیں گے جو چارلٹن ایتھلیٹک فٹ بال کلب کا گھر ہے۔ میچز فین کوڈ پر براہ راست نشر کیے جائیں گے۔

ہندوستھان سماچار

گول کیپر:

گرپریت سنگھ سندھو، ریتک تیواری، البینو گومز۔

ڈیفینڈر:

راہل بھیکے، نکھل پجاری، روشن سنگھ ناوریم، سندیش جھنگن، آکاش مشرا، بیجوئے ورگیز، پرم ویر۔

مڈ فیلڈرز:

جیکسن سنگھ تھوناوجام، نوفل پی این، رکی شابونگ۔

فارورڈ:

ریان ولیمز، ایڈمنڈ لالرینڈیکا، لالیانزوالا چھانگتے، رحیم علی، فاروق چودھری۔

یونٹی کپ 2026 کا شیڈول

پہلا سیمی فائنل

27 مئی، 12:00 آدھی رات (ہندوستانی معیاری وقت)

نائیجیریا بمقابلہ زمبابوے

دوسرا سیمی فائنل

28 مئی، 12:00 آدھی رات (ہندوستانی معیاری وقت)

جمیکا بمقابلہ انڈیا

فائنل اور تیسری پوزیشن کا میچ

30 مئی 2026

مقام: ویلی اسٹیڈیم، لندن۔

ہندوستھان سماچار

ہندوستان سماچار / محمد شہزاد