علی گڑھ،25 مئی (ہ س)۔

دھرم سماج بال مندر سینئر سیکنڈری اسکول، علی گڑھ میں شاندار کارکردگی کا مظاہرہ کرنے والے اسکیٹنگ کھلاڑیوں کو تہنیت پیش کی گئی۔ اسکول کے منیجر سنجے کمار گوئل اور پرنسپل رچنا گپتا نے سات باصلاحیت اسکیٹنگ کھلاڑیوں کو اعزاز سے نوازتے ہوئے ان کے روشن مستقبل کے لیے نیک خواہشات کا اظہار کیا۔

اس موقع پر منیجر سنجے کمار گوئل نے کہا کہ “کھلاڑیوں کی محنت ہی ان کے کھیل کو نکھارتی ہے۔ قومی سطح پر گولڈ میڈل حاصل کرنے والے تمام کھلاڑیوں کو دل کی گہرائیوں سے مبارکباد اور نیک تمنائیں پیش کرتا ہوں۔”

پرنسپل رچنا گپتا نے بتایا کہ نیپال کے پوکھرا میں منعقد ہونے والی انڈو-نیپال چیمپئن شپ پوکھرا-2026 میں طالب علم چراغ کمار اسکیٹنگ مقابلے میں شرکت کریں گے۔ انہوں نے کہا کہ چراغ کمار نے کپتان کے طور پر اسکیٹنگ اور کھو-کھو مقابلوں میں اتر پردیش ٹیم کی نمائندگی کرتے ہوئے دہلی میں شاندار کارکردگی کا مظاہرہ کیا اور ریاست کا نام روشن کیا۔ انہوں نے کہا کہ ان کھلاڑیوں نے نہ صرف اتر پردیش بلکہ اسکول کا وقار بھی بلند کیا ہے۔ اعزاز پانے والے کھلاڑیوں میں چراغ کمار، نوپور شرما، ہرش اگروال، دھرو اتری، دویانش کمار، سکشم وارشنیے اور کنال چوہان شامل ہیں۔

پرنسپل نے کہا کہ ان تمام کھلاڑیوں نے ضلعی اور ریاستی سطح کے مختلف مقابلوں میں مسلسل تمغے حاصل کرکے اسکول کا نام روشن کیا ہے۔ اس موقع پر کھیل انچارج پردیپ راوت کو بھی اعزاز سے نوازا گیا۔ پروگرام میں ہیڈ مسٹریس پوجا جین، نظم و ضبط انچارج پشکر وارشنیے، کھیل انچارج پردیپ راوت، کھیل کوچ گورو راجپوت اور کھیل کوچ رجنیش جین بھی موجود رہے۔

ہندوستھان سماچار

ہندوستان سماچار / سید کامران علی گڑھ