نئی دہلی، 25 مئی (ہ س)۔ دہلی میونسپل کارپوریشن (ایم سی ڈی) کی جنرل باڈی میٹنگ کے پیر کو شروع ہونے سے پہلے، کانگریس اور عام آدمی پارٹی (اے اے پی) کے کونسلروں نے مرکزی وزیر تعلیم دھرمیندر پردھان کے استعفیٰ کا مطالبہ کرتے ہوئے احتجاج کیا۔دونوں جماعتوں نے نیٹ کے سوالیہ پرچہ لیک ہونے پر مرکزی حکومت کے خلاف نعرے لگائے اور ایوان کے احاطے میں احتجاج کیا۔ کانگریس کے کونسلروں نے اپنے احتجاج کے اظہار کے لیے میلوڈی چاکلیٹس کے ہار پہنائے جبکہ عام آدمی پارٹی کے کونسلر پوسٹر اور بینر لے کر ایوان میں پہنچے۔احتجاج شروع ہوتے ہی ایوان کی کارروائی میں خلل پڑا جس کے باعث اجلاس کو تقریباً 15 منٹ کے لیے ملتوی کرنا پڑا۔اپوزیشن جماعتوں نے الزام لگایا کہ نیٹ امتحان میں مبینہ بے ضابطگیوں اور سوالیہ پرچہ لیک ہونے سے ملک بھر کے طلباءاور والدین کا اعتماد ختم ہو گیا ہے۔

ہندوستھان سماچار

ہندوستان سماچار / Mohammad Khan