گوہاٹی، 25 مئی (ہ س) ۔

آسام اسمبلی میں کانگریس لیڈر آف اپوزیشن کے بارے میں ابھی حتمی فیصلہ نہیں ہوسکا ہے۔ اسمبلی میں کانگریس لیجسلیٹیو پارٹی کا لیڈر کون ہو گا اس کو لے کر پارٹی کے اندر کنفیوزن برقرار ہے۔

کانگریس کے ممبران اسمبلی ذاکر حسین سکدار اور نورالہدی نے وضاحت کی ہے کہ اس معاملے پر حتمی فیصلہ پارٹی ہائی کمان دہلی میں کرے گی۔

اسمبلی احاطے میں صحافیوں سے بات کرتے ہوئے دونوں ایم ایل ایز نے کہا کہ پارٹی کے اندر اس مسئلہ پر بات چیت جاری ہے، لیکن کسی ایک نام پر ابھی تک کوئی حتمی اتفاق رائے نہیں ہوسکا ہے۔

قابل ذکر ہے کہ اتوار کو کانگریس ہائی کمان کے مبصر بھوپیش بگھیل ایم ایل اے کے درمیان اتفاق رائے پیدا کرنے کے لیے گوہاٹی پہنچے تھے۔ انہوں نے ریاستی کانگریس ہیڈکوارٹر راجیو بھون میں ہر ایم ایل اے سے انفرادی طور پر ملاقات کی تاکہ ان کی رائے حاصل کی جا سکے۔

ذرائع کے مطابق طویل بحث کے باوجود کسی ایک امیدوار پر اتفاق رائے نہیں ہو سکا۔ نتیجتاً قائد حزب اختلاف کے انتخاب کے حوالے سے صورتحال غیر واضح ہے۔

اسمبلی اجلاس کے دوران قائد حزب اختلاف کے انتخاب میں تاخیر کے حوالے سے سیاسی حلقوں میں بحثیں تیز ہوگئیں۔ خیال کیا جا رہا ہے کہ پارٹی قیادت اس معاملے پر جلد کوئی حتمی فیصلہ کر سکتی ہے۔

ہندوستھان سماچار

ہندوستان سماچار / عطاءاللہ