نوئیڈا، 24 مئی (ہ س)۔

ہفتہ کی دیر رات، ایک سر پھرے شخص نے فیز ون تھانے کے علاقے کے سیکٹر 5 کے ہرولا گاو¿ں میں رہنے والے ایک خاندان کے چار افراد پر حملہ کیا۔ چاروں شدید زخمی ہو گئے۔ انہیں علاج کے لیے اسپتال میں داخل کرایا گیا، جہاں علاج کے دوران خاتون کی موت ہوگئی۔ واقعے میں زخمی ہونے والے تین دیگر افراد زیر علاج ہیں۔

پولیس کمشنر لکشمی سنگھ کے میڈیا انچارج وجے کمار گپتا نے بتایا کہ نند لال شرما کا 42 سالہ بیٹا سریندر شرما اپنی بیوی 40 سالہ سنجو دیوی اور دو بیٹیاں 19 سالہ جیوتی اور 14 سالہ جولی کے ساتھ ہرولا گاو¿ں میں رہتا ہے۔ ہفتہ کی رات وہ اپنے گھر کی چھت پر اپنے خاندان کے ساتھ سو رہے تھے۔ انہوں نے بتایا کہ ہفتہ کی رات تقریباً 2 بجے ان کے پڑوس میں رہنے والا ہرنام نامی شخص چھت پر سوئے ہوئے خاندان کے پاس پہنچا اور ان پر تیز دھار ہتھیار سے حملہ کیا۔ انہوں نے کہا کہ سریندر شرما، ان کی اہلیہ اور ان کی دو بیٹیاں اس واقعہ میں شدید زخمی ہیں۔ انہیں علاج کے لیے اسپتال میں داخل کرایا گیا، جہاں علاج کے دوران 40 سالہ سنجو دیوی کی موت ہوگئی۔ سریندر شرما اور ان کی دو بیٹیوں کی حالت بدستور تشویشناک ہے اور وہ اسپتال میں زیر علاج ہیں۔ ان کا کہنا تھا کہ واقعے کی اطلاع ملتے ہی پولیس جائے وقوعہ پر پہنچی اور لاشوں کو قبضے میں لے کر پوسٹ مارٹم کے لیے بھیج دیا۔ انہوں نے کہا کہ پولیس ملزم کی تلاش کر رہی ہے، جو مفرور ہے۔ اس واقعہ سے ہرولا گاو¿ں میں ہلچل مچ گئی ہے۔ رہائشیوں کے مطابق ملزم ہرنام ایئر کنڈیشننگ ریپیئرنگ سینٹر میں کام کرتا تھا۔ کچھ لوگوں نے کہا کہ ملزم ہرنام ایک پاگل شخص ہے۔ پولیس اس واقعہ کی وجہ کی تحقیقات کر رہی ہے۔

ہندوستھان سماچار

ہندوستان سماچار / عطاءاللہ