نئی دہلی، 2 مئی ( ہ س ) ۔ محکمہ مالیاتی خدمات (ڈی ایف ایس) کے سکریٹری ایم ناگراجو نے ہفتہ کے روز قرض وصولی کے نظام کو مضبوط بنانے کے لیے ڈی آر اے ٹی کے صدور اور ڈی آر ٹی کے پیٹھاسین افسران کی ایک کانفرنس کا انعقاد کیا۔ اس کانفرنس کا مقصد زیر التوا مقدمات کو کم کرنا اور ان کے تصفیے میں تیزی لانا تھا۔

وزارت خزانہ کے بیان کے مطابق، محکمہ مالیاتی خدمات نے یہاں وگیان بھون میں قرض وصولی اپیلیٹ ٹربیونلز (ڈی آر اے ٹی) کے صدور اور قرض وصولی ٹربیونلز (ڈی آر ٹی) کے افسران کی کانفرنس منعقد کی۔ اس موقع پر ڈی ایف ایس سکریٹری ایم ناگ راجو نے شرکاء سے خطاب کیا، جن میں ڈی ایف ایس کے سینئر افسران، سرکاری و نجی بینکوں کے نمائندے اور انڈین بینکس ایسوسی ایشن شامل تھے۔

وزارت کے مطابق، گفتگو کا مرکزی نکتہ زیر التوا مقدمات کو کم کرنا اور ان کے تصفیے کے عمل کو تیز کرنا تھا۔ ہدفی تربیتی پروگراموں کے ذریعے صلاحیت سازی اور بنیادی ڈھانچے کو مضبوط کرنے پر نئے سرے سے زور دینے کے نتیجے میں ڈی آر ٹی کی ماہانہ تصفیہ شرح میں حوصلہ افزا اضافہ دیکھا گیا ہے۔ ٹربیونلز سے کہا گیا کہ وہ بہتر کارکردگی دکھانے والے ڈی آر ٹی کی بہترین عملی طریقوں کو اپنائیں۔

وزارت نے کہا کہ محکمہ مالیاتی خدمات پالیسی ڈائیلاگ، اصلاحات اور کام کاج میں بہتری کے لیے ایک اہم پلیٹ فارم کے طور پر ڈی آر اے ٹی کے صدور اور ڈی آر ٹی کے پیٹھاسین افسران کی باقاعدہ میٹنگز منعقد کرتا رہتا ہے۔ ان کوششوں سے خیالات کے تعمیری تبادلے کو فروغ ملا ہے، جن میں سے کئی اقدامات ٹربیونلز کے کام کاج میں ٹھوس بہتری کا باعث بنے ہیں، اور بہترین طریقوں کو ایک دوسرے کے ساتھ شیئر کرنے اور کامیاب ماڈلز کو اپنانے کی حوصلہ افزائی کی گئی ہے۔

ہندوستھان سماچار

---------------

ہندوستان سماچار / عبدالواحد