نئی دہلی، 06 اپریل (ہ س)۔ سپریم کورٹ نے سنٹرل بیورو آف انویسٹی گیشن (سی بی آئی) سے ان الزامات کی تحقیقات کا حکم دیا ہے کہ اروناچل پردیش کے وزیر اعلی پیما کھانڈو نے اپنے رشتہ داروں کی ملکیت والی کمپنیوں کے ٹھیکے حاصل کرنے میں مدد کی۔ جسٹس وکرم ناتھ کی صدارت والی بنچ نے یہ حکم جاری کیا۔
سپریم کورٹ نے کہا کہ سی بی آئی کو دو ہفتے کے اندر جانچ شروع کرنی چاہیے۔ عدالت نے واضح کیا کہ تحقیقات جنوری 2015 سے دسمبر 2025 کے درمیان دیے گئے معاہدوں کا احاطہ کرے گی۔ عدالت نے 17 فروری کو اپنا فیصلہ محفوظ کر لیا تھا۔ 18 مارچ 2025 کو عدالت نے وزارت داخلہ اور وزارت خزانہ کو نوٹس جاری کیے تھے۔ سماعت کے دوران درخواست گزار کے وکیل پرشانت بھوشن نے دلیل دی کہ ریاست کو لوٹا جا رہا ہے۔ اروناچل پردیش کے وزیر اعلیٰ کی اہلیہ اور بھتیجے کی ملکیت والی کمپنی کو کئی ٹھیکے دیے گئے۔ یہ ٹھیکے انسداد بدعنوانی ایکٹ اور وزراءکے ضابطہ اخلاق کی خلاف ورزی کرتے ہوئے دیے گئے۔
ایڈوکیٹ پرشانت بھوشن نے زور دے کر کہا کہ تقریباً 70 ٹھیکے، جن کی مالیت ہزاروں کروڑ روپے تھی، اس کمپنی کو دیے گئے جو وزیر اعلیٰ کی اہلیہ اور بھتیجے کی ہے۔ کارروائی کے دوران، ریاستی حکومت کی نمائندگی کرنے والے وکیل نے درخواست کو قانونی عمل کا غلط استعمال قرار دیا۔ انہوں نے دعویٰ کیا کہ درخواست سیاسی طور پر محرک ہے۔
---------------
ہندوستان سماچار / عبدالسلام صدیقی
