نئی دہلی، 06 اپریل (ہ س)۔ بھارتیہ جنتا پارٹی (بی جے پی) نے ملک کی پانچ ریاستوں مغربی بنگال، تمل ناڈو، کیرلم، آسام اور مرکز کے زیر انتظام علاقے پڈوچیری میں ہونے والے اسمبلی انتخابات کے لیے مہم زور-شور سے شروع کر دی ہے۔ وزیر اعظم نریندر مودی سمیت بی جے پی کے اعلیٰکیمپینر دن رات کام کر رہے ہیں۔ وزیر اعظم نریندر مودی اور مرکزی وزیر جے پی نڈا آج آسام میں عوامی جلسوں سے خطاب کریں گے۔ ان کے علاوہ مرکزی وزیر داخلہ امت شاہ آج کیرلم اور پڈوچیری میں انتخابی مہم چلائیں گے۔

بی جے پی نے اپنے انسٹاگرام ہینڈل پر شیئر کیا ہے کہ وزیر اعظم نریندر مودی آج صبح 11 بجے بارپیٹا، دوپہر 1:15 بجے ہوجائی اور شام 4 بجے ڈبرو گڑھ میں عوامی جلسوں سے خطاب کریں گے۔ جے پی نڈا بھی آج آسام میں ہوں گے۔ وہ دوپہر 12 بجے تنسکیا اور دوپہر 2 بجے لکھیم پور میں عوامی جلسوں سے خطاب کریں گے۔

پارٹی لیڈر امت شاہ بی جے پی کے یوم تاسیس پر صبح 10 بجے کیرلم کے ترواننت پورم میں پارٹی کارکنوں سے خطاب کریں گے۔ وہاں سے وہ انتخابی مہم کے لیے پڈوچیری جائیں گے۔ وہ پڈوچیری میں روڈ شو کریں گے۔

مغربی بنگال کی 294 سیٹوں کے لیے دو مرحلوں (23 اور 29 اپریل) میں ووٹنگ ہوگی، تمل ناڈو کی 234 سیٹوں کے لیےایک مرحلے میں 23 اپریل کو ، کیرلم کی 140 سیٹوں کے لیے ایک مرحلے میں 9 اپریل کو، آسام کی 126 سیٹوں کے لیے ایک مرحلے میں 9 اپریل کو اور پڈوچیری کی 30 سیٹوں کے لیے ایک مرحلے میں 9 اپریل کو ووٹ ڈالے جائیں گے۔

ان تمام کے نتائج کا اعلان 4 مئی کو کیا جائے گا۔

ہندوستھان سماچار

ہندوستان سماچار / محمد شہزاد