رانچی، 6 اپریل (ہ س): رانچی سول کورٹ کو پیر کو ایک اور بم کی دھمکی ملی۔ اس دھمکی سے ججوں، وکلاءاور عدالتی عملے میں خوف و ہراس پھیل گیا۔ بم کی دھمکی ملنے کے بعد پولیس اور انتظامیہ چوکس ہے۔

پولیس کی ایک ٹیم کورٹ ہاو¿س پہنچ گئی ہے اور پورے احاطے کی مکمل تلاشی لے رہی ہے۔ سکیورٹی وجوہات کی بنا پر عدالت کو خالی کرایا جا رہا ہے۔ پولیس فی الحال اس بات کی تفتیش کر رہی ہے کہ دھمکی آمیز ای میل کس نے اور کہاں سے بھیجی تھی۔ احتیاط کے طور پر عدالت کے باہر سیکورٹی بڑھا دی گئی ہے اور داخل ہونے اور جانے والے ہر شخص کی تلاشی لی جا رہی ہے۔ کوتوالی کے ڈی ایس پی پرکاش سوئے نے بتایا کہ پورے کورٹ ہاو¿س کی تلاشی لی جارہی ہے۔

قابل ذکر ہے کہ پیر کو ریاست کے مختلف اضلاع کی تین عدالتوں کو بم کی دھمکیاں ملی تھیں۔ ان میں صاحب گنج، دھنباد اور رانچی کی سول عدالتیں شامل ہیں۔ پولیس دھمکیاں بھیجنے کے لیے استعمال ہونے والی ای میل کی تحقیقات کر رہی ہے۔

---------------

ہندوستان سماچار / عبدالسلام صدیقی