علاقائی کشیدگی کے باعث معطل فضائی سروس دو ماہ بعد دوبارہ شروع کرنے کا فیصلہ

استنبول، 30 اپریل (ہ س)۔ ترکش ایئر لائنز نے اعلان کیا ہے کہ وہ یکم مئی سے مغربی ایشیا کے تین اہم شہروں دمشق، بیروت اور عمان کے لیے اپنی پروازیں دوبارہ شروع کرے گی۔

ایئر لائن کے مطابق، ان روٹس پر پروازیں 28 فروری سے معطل تھیں۔ اس وقت خطے میں بڑھتی ہوئی کشیدگی، خاص طور پر ایران پر امریکہ اور اسرائیل کے حملوں کے بعد کئی ممالک کی فضائی حدود متاثر ہو گئی تھیں، جس کی وجہ سے پروازوں کو روکنا پڑا تھا۔

اب خطے میں صورتحال کسی حد تک معمول پر آنے کے آثار ملنے کے بعد ایئر لائن نے ان اہم راستوں پر خدمات بحال کرنے کا فیصلہ کیا ہے۔ یہ قدم مسافروں اور تجارتی سرگرمیوں کے لیے راحت کا باعث مانا جا رہا ہے، کیونکہ یہ تینوں شہر علاقائی رابطے کے لحاظ سے بے حد اہم ہیں۔

پروازوں کی بحالی سے نہ صرف فضائی ٹریفک میں بہتری آئے گی بلکہ علاقائی معاشی سرگرمیوں کو بھی رفتار ملے گی۔ ساتھ ہی ان مسافروں کو خصوصی راحت ملے گی جو گزشتہ چند ماہ سے ان روٹس پر سفر کے لیے متبادل انتظامات کا سہارا لے رہے تھے۔

ہندوستھان سماچار

---------------

ہندوستان سماچار / انظر حسن