سرینگر 03 اپریل (ہ س) پولیس اسٹیشن اونتی پورہ کے تحت رپورٹ ہونے والے ایک چوری کیس کو کامیابی کے ساتھ حل کیا اور اس جرم میں ملوث دو ملزمین کو گرفتار کرلیا۔ تفصیلات کے مطابق 02 اپریل کو نذیر احمد بھٹ ولد غلام محمد ساکنہ نورپورہ نے ایک تحریری شکایت درج کرائی جس میں بتایا گیا کہ 01/02 اپریل کی درمیانی رات، نامعلوم چوروں نے واٹسر میں ان کے سیب کے باغ میں واقع ایک عارضی شیڈ کو توڑ کر دو موٹر چوری کر لیں۔ اس کے مطابق، قانون کی متعلقہ دفعات کے تحت ایک مقدمہ ایف آئی آر نمبر 78/2026 پولس اسٹیشن اونتی پورہ میں درج کیا گیا اور تحقیقات کو آگے بڑھایا گیا۔ تفتیش کے دوران، پولیس اسٹیشن اونتی پورہ کی ایک ٹیم جس کی سربراہی ایس ایچ او پی ایس اونتی پورہ انسپکٹر اعجاز حماد کر رہے تھے، جدید تکنیکوں بشمول سی سی ٹی وی تجزیہ اور دیگر تکنیکی ذرائع کا استعمال کرتے ہوئے، دو ملزمین کو گرفتار کیا جن کی شناخت مقصود احمد لون ساکنہ چیک نورپورہ اور شبیر احمد وانی ساکنہ چیک نورپورہ کے بطور ہوئی ہے۔ ان کے انکشاف پر ان کے قبضے سے چوری شدہ موٹریں برآمد کر لی گئیں۔ دونوں ملزمان کو گرفتار کر کے مزید تفتیش جاری ہے۔ اونتی پورہ پولیس عوام کی حفاظت اور تحفظ کو یقینی بنانے کے لیے پرعزم ہے اور شہریوں سے اپیل کرتی ہے کہ کسی بھی مشکوک سرگرمی کی اطلاع قریبی پولیس اسٹیشن کو دیں۔ہندوستھان سماچار

ہندوستان سماچار / Aftab Ahmad Mir