آسنسول، 3 اپریل (ہ س)۔ درگاپور اسمبلی حلقہ کی ایک دلچسپ سیاسی تاریخ ہے۔ 1962 میں اس حلقے کی تشکیل کے ساتھ ہی آسنسول-درگاپور خطہ میں اسمبلی سیٹوں کی تعداد چھ سے بڑھ کر سات ہوگئی۔ رانی گنج، جموریہ اور درگاپور جیسے علاقے طویل عرصے سے بائیں بازو کی جماعتوں کا گڑھ سمجھے جاتے رہے ہیں۔

اس نشست کی سب سے نمایاں خصوصیت یہ ہے کہ یہاں پر کسی ایک پارٹی کامسلسل غلبہ تو رہا، لیکن شاذ و نادر ہی کوئی امیدوار مسلسل دو بار جیت درج سکا ہے۔ 15 انتخابات میں سے، سی پی آئی (ایم) نے 11 بار کامیابی حاصل کی ہے، جب کہ کانگریس اور ترنمول کانگریس نے دو دو بار کامیابی حاصل کی ہے۔

کانگریس کے آنند گوپال مکھرجی نے پہلا الیکشن جیتا، لیکن 1967 میں سی پی آئی (ایم) کے دلیپ کمار مجومدار نے انہیں شکست دی، اس سیٹ پر بائیں بازو کی سیاست کی بنیاد مضبوط کی ۔ اس کے بعد دلیپ مجومدار نے مسلسل الیکشن جیت کر ایک نیا ریکارڈ قائم کیا۔ انہوں نے 1969 اور 1971 کے وسط مدتی انتخابات میں بھی کامیابی حاصل کی اور پھر 1972 میں کانگریس کے تپن داس گپتا کو شکست دے کر اپنی گرفت کو مزید مضبوط کیا۔

انہوں نے 1982 اور 1987 میں کانگریس کے امیدواروں کو شکست دی اور 1991 میں دوبارہ جیت کر اس سیٹ سے سات بار ایم ایل اے بننے کا ریکارڈ قائم کیا۔ یہ ریکارڈ آج بھی قابل ذکر ہے اور بائیں بازو کی سیاست کے اثر کو ظاہر کرتا ہے۔

1996 میں، سی پی آئی (ایم) نے اپنا امیدوار تبدیل کیا اور مرنال بنرجی کو میدان میں اتارا۔ انہوں نے 2001 اور 2006 میں بھی جیت کی ہیٹ ٹرک مکمل کی۔2011 میں حد بندی کے بعد، یہ سیٹ درگا پور ایسٹ کے نام سے مشہور ہوئی اور اس بار ترنمول کانگریس کے ڈاکٹر نکھل کمار بنرجی نے پہلی بار سی پی آئی (ایم) کے امیدوار کو شکست دے کر اس سیٹ پر کامیابی حاصل کی۔ تاہم 2016 میں، سی پی آئی (ایم) نے واپسی کی اور سنتوش دیو رائے کے ذریعے سیٹ دوبارہ حاصل کی۔

2021 کے انتخابات میں، ترنمول کانگریس کے پردیپ مجومدار نے بی جے پی کے دیویانشو چودھری کو شکست دے کر لگاتار دوسری میعاد کے لیے کامیابی حاصل کی۔ حلقہ میں سیاسی تبدیلی کا اشارہ دیتے ہوئے سی پی آئی (ایم) تیسرے نمبر پر کھسک گئی۔

اب 2026 کے انتخابات کا مقابلہ ایک بار پھر دلچسپ ہو گیا ہے۔ ترنمول کانگریس کے پردیپ مجومدار، بی جے پی کے چندر شیکھر بنرجی، سی پی آئی (ایم) کے سیمانت چٹرجی اور کانگریس کے دیویش چکرورتی میدان میں ہیں۔ نامزدگی کی آخری تاریخ 6 اپریل ہے۔

درگاپور حلقہ کی تاریخ بتاتی ہے کہ یہاں اقتدار میں تبدیلی عام رہی ہے اور ووٹروں نے وقتاً فوقتاً نئے متبادل کو موقع دیا ہے۔ لہٰذا، یہ دیکھنا دلچسپ ہوگا کہ آیا سی پی آئی (ایم) اپنی پرانی روایت کو دوبارہ قائم کر پاتی ہے یا ترنمول کانگریس اپنی جیت کے سلسلے کو برقرار رکھتی ہے اور نئی تاریخ رقم کرتی ہے۔

ہندوستھا ن سماچار

ہندوستان سماچار / محمد شہزاد