ممبئی ، 3 اپریل (ہ س) رائے گڑھ ضلع میں ممبئی-گوا ہائی وے پر ناگوتھانے کے سوکلی گھاٹ میں ایک نجی لگژری بس کے بے قابو ہو کر الٹنے کے حادثے میں دو افراد ہلاک اور 38 دیگر زخمی ہو گئے، جنہیں فوری طور پر قریبی اسپتالوں میں داخل کرایا گیا جبکہ بعض زخمیوں کی حالت تشویشناک بتائی جا رہی ہے، یہ حادثہ 3 اپریل کو پیش آیا۔

پولیس کے مطابق نجی لگژری بس آج علی الصبح ممبئی سے گوا کی جانب روانہ تھی کہ ناگوتھانے کے قریب سوکلی گھاٹ کے گھماؤ دار راستے پر پہنچتے ہی ڈرائیور بس پر قابو کھو بیٹھا اور گاڑی سڑک کے کنارے الٹ گئی۔ واقعہ کی اطلاع ملتے ہی پولیس فوری طور پر موقع پر پہنچی اور راحت و بچاؤ کا کام شروع کیا۔

حادثے میں دو افراد کی موقع پر ہی موت ہو گئی، جن کی لاشیں قبضے میں لے کر پوسٹ مارٹم کے لیے بھیج دی گئی ہیں۔ اس کے علاوہ 38 زخمیوں کو فوری طور پر قریبی پرائمری ہیلتھ سینٹر اور ضلع اسپتال میں داخل کیا گیا۔ زخمیوں میں سے 5 افراد کی حالت تشویشناک بتائی جا رہی ہے، جنہیں بہتر علاج کے لیے ممبئی کے اسپتالوں میں منتقل کرنے کی تیاری کی جا رہی ہے۔

پولیس نے کرین کی مدد سے حادثے کا شکار بس کو سڑک سے ہٹا کر ٹریفک کو بحال کر دیا ہے، جبکہ واقعہ کی مزید تفتیش جاری ہے۔

ہندوستھان سماچار

--------------------

ہندوستان سماچار / جاوید این اے