امپھال، 28 اپریل (ہ س)۔ منی پور میں گزشتہ 24 گھنٹے میں پولیس اور سیکورٹی فورسز نے علیحدہ علیحدہ مہمات میں منشیات کی اسمگلنگ اور توڑ پھوڑ سے منسلک معاملات میں کئی لوگوں کو گرفتار کیا۔

پولیس ترجمان نے آج بتایا کہ امپھال مغربی ضلع کے لمسانگ تھانہ کے تحت ہمالین ٹائلز پولیس چیک پوائنٹ پر معمول کی جانچ کے دوران پولیس نے 24 سالہ مارکونی ننگتھوجم کو گرفتار کیا۔ اس کے قبضے سے تقریباً 1.1 کلوگرام مشتبہ گانجا برآمد کیا گیا۔

ایک اور کارروائی میں امپھال بین الاقوامی ہوائی اڈے پر سیکورٹی فورسز نے بنگلورو جا رہے دو مسافروں کو حراست میں لیا۔ دونوں ملزمین امپھال مغربی ضلع کے مایانگ امپھال علاقے کے رہنے والے ہیں۔ ان کی شناخت بینگون لوبک لیکائی کے ساکن اسلم خان (39) اور پھوبکچاو مکھا لیکائی کے ساکن چیسام امیر (31) کے طور پر ہوئی ہے۔ تلاشی کے دوران ان کے پاس سے تقریباً 84 گرام مشتبہ ہیروئن نمبر-4 برآمد کی گئی۔

اسی سلسلے میں بشنو پور ضلع کے موئرانگ تھانہ کے تحت موئرانگ پٹلوو میں پولیس نے ایک ٹرک پر حملہ کر کے اس میں لدے کھاد کے بوروں کو تباہ کرنے کے الزام میں پانچ لوگوں کو گرفتار کیا۔ ملزمین کی شناخت لیشرام ابھیجیت سنگھ (25)، کھوائراکپم دھنیشور سنگھ (25)، ایلکس موئرانگتھم (25)، پھائریمبم کیزر سنگھ (36) اور سنابم چاوبا میتی (48) کے طور پر ہوئی ہے۔ پولیس نے ان کے قبضے سے واقعے میں استعمال ہونے والی چار دو پہیہ گاڑیاں بھی ضبط کی ہیں۔ پولیس کے مطابق تمام معاملات میں مزید جانچ جاری ہے۔

ہندوستھان سماچار

---------------

ہندوستان سماچار / انظر حسن