- سنگاپور میں ہندوستان کے ہائی کمشنر ڈاکٹر شلپک امبولے نے عملے کے ساتھ بات چیت کی

نئی دہلی، 28 اپریل (ہ س)۔ بحر ہند کاجہاز آئی این ایس سنینا سنگاپور کے چانگی بحریہ کے اڈے پر پہنچ گیا ہے، جہاں اس کا پرتپاک استقبال کیا گیا، جس سے ہندوستان-سنگاپور کے مضبوط سمندری تعلقات کی تصدیق ہوئی ۔ یہ جہاز 29 اپریل کو سنگاپوسے ر روانہ ہوکر بحر ہند کے خطے میں بحری تعاون کو مضبوط کرنے اور اجتماعی سلامتی کو فروغ دینے کے اپنے مشن کو جاری رکھے گا۔

ہندوستانی جہاز سنینا کو سمندری خطوں میں سلامتی اور ترقی کے لیے باہمی اور جامع ترقی کے تصور کے تحت تعینات کیا گیا ہے۔ آئی او ایس ساگر نے اپنی تعیناتی کے دوران چوتھے قیام کے طور پر سنگاپور کے چانگی نیول بیسپر قیام کیا ہے۔ جہاز، 16 دوست غیر ملکی ممالک (ایف ایف سی ) کے کثیرملکی عملے کے ساتھ، بحر ہند کے علاقے میں تعینات ہے اور یہ سنگاپور پہنچنے سے پہلے مالے، پھوکیٹ اور جکارتہ میں بندرگاہی قیام کر چکا ہے ۔

سنگاپور میں ہندوستان کے ہائی کمشنر ڈاکٹر شلپک امبولے نے جہاز پر سوار عملے کے ساتھ بات چیت کی اور ساگر وژن کے تحت بحری شراکت کو مضبوط بنانے اور باہمی تعاون کو فروغ دینے میں ان کے کردار کی تعریف کی۔ آئی این ایس سنینا کے کمانڈنگ آفیسر کمانڈر سدھارتھ چودھری نے کرانجی جنگی یادگار پر گلہائے عقیدت نذر کئے اور ریپبلک آف سنگاپور نیوی ( آر ایس این ) کے 9ویں فلوٹیلا کے کمانڈر کرنل چوہ مینگ سون سے ملاقات کی اور سمندری تعاون کو بڑھانے کے مواقع پر تبادلہ خیال کیا۔

سفر کے دوران، جہاز اسکول کے بچوں اور سوشل میڈیا انفلیوئنسر سمیت وزیٹرز کے لئے کھلا رہا جس سے انہیں سمندر میں زندگی کا تجربہ حاصل ہوا ۔ عملے نے ہندوستانی تارکین وطن کے اراکین کے ساتھ 'ون اوشین، ون مشن' کی تھیم والی دوڑ میں حصہ لیا، جس کا مقصد سمندری بیداری اور اتحاد کو فروغ دینا تھا۔یہ جہاز پیشہ ورانہ اور معاشرے کی سطح پر مختلف قسم کی بات چیت کے ذریعہ نے قومی بحریہ (آر ایس این) کے ساتھ منسلک ہے۔

اس دورے کے دوران، آئی او ایس ساگر کا عملہ بہترین طریقوں کے تبادلے کو فروغ دینے کے لیے آر ایس این کے نیویگیشن اینڈ ڈیمیج کنٹرول سیمولیٹر، انفارمیشن فیوژن سینٹر اور سنگاپور میں نیول میوزیم کا دورہ کرے گا۔ اس کے علاوہ ، آئی او ایس ساگر میں موجود تھنک ٹینک کے اہلکاروں کے ساتھ بات چیت، ایک مشترکہ یوگا سیشن اور ایک رسمی ڈیک استقبالیہشراکت داروں کے ساتھ مشغولیت کو مزید مضبوط کرے گا۔

ہندوستھان سماچار

ہندوستان سماچار / محمد شہزاد