جموں, 19 اپریل (ہ س)۔ ضلع پونچھ میں سول ڈیفنس کی جانب سے ایئر ریڈ اور بلیک آؤٹ سے متعلق موک ایکسرسائز 20 سے 24 اپریل تک منعقد کی جائے گی، جس کے لیے انتظامیہ نے تیاریاں تیز کر دی ہیں۔

سرکاری مراسلے کے مطابق یہ مشق ڈائریکٹر جنرل سول ڈیفنس و ایس ڈی آر ایف کی ہدایات پر عمل میں لائی جا رہی ہے، جس کا مقصد ہنگامی حالات سے نمٹنے کی تیاری، عوامی بیداری اور مختلف محکموں کے درمیان بہتر تال میل کو یقینی بنانا ہے۔

انتظامیہ نے پولیس، صحت، پی ڈبلیو ڈی، جل شکتی، میونسپل کونسل، فائر اینڈ ایمرجنسی سروسز سمیت دیگر متعلقہ محکموں کو ہدایت دی ہے کہ وہ پیشگی منصوبہ بندی مکمل کریں، لاجسٹک سپورٹ فراہم کریں اور مشق کے دوران مکمل تعاون یقینی بنائیں۔

حکام نے کہا کہ مشق کے اختتام پر تمام ادارے اپنی کارروائی رپورٹ جمع کرائیں گے تاکہ آئندہ کے لیے تیاریوں کو مزید مؤثر بنایا جا سکے۔

ہندوستھان سماچار

---------------

ہندوستان سماچار / محمد اصغر