جموں, 17 اپریل (ہ س)۔

جموں و کشمیر حکومت نے ٹیکس دہندگان کو ریلیف فراہم کرنے کے لیے جی ایس ٹی اپیلیٹ ٹریبونل میں اپیل دائر کرنے کی آخری تاریخ میں توسیع کا اعلان کیا ہے۔

محکمہ خزانہ کی جانب سے جاری کردہ نوٹیفکیشن کے مطابق یکم اپریل 2026 سے قبل جاری ہونے والے قابلِ اپیل احکامات کے خلاف اب ٹیکس دہندگان 30 جون 2026 تک اپیلیں دائر کر سکیں گے۔

نوٹیفکیشن میں واضح کیا گیا ہے کہ یکم اپریل 2026 یا اس کے بعد جاری ہونے والے احکامات کے لیے اپیل دائر کرنے کی مدت کو باقاعدہ طور پر منظم کرتے ہوئے تین ماہ مقرر کیا گیا ہے، جو حکم موصول ہونے کی تاریخ سے شمار ہوگی۔

حکام کا کہنا ہے کہ اس فیصلے کا مقصد اپیل کے نظام کو مزید مؤثر اور صارف دوست بنانا ہے تاکہ ٹیکس دہندگان کو درپیش مشکلات میں کمی لائی جا سکے۔

ہندوستھان سماچار

---------------

ہندوستان سماچار / محمد اصغر