جموں, 17 اپریل (ہ س)۔

جموں و کشمیر حکومت نے نجی اسکولوں کی فیس کے تعین، جانچ اور ضابطہ بندی سے متعلق قائم کمیٹی کے چیئرمین، ریٹائرڈ جسٹس سنیل حالی کی مدتِ کار میں توسیع کر دی ہے۔

اس سلسلے میں اسکول ایجوکیشن محکمہ کی جانب سے جاری کردہ نوٹیفکیشن میں کہا گیا ہے کہ جسٹس سنیل حالی کی مدت، جو 31 مارچ 2026 کو اختتام پذیر ہو چکی تھی، اُس کو مزید ایک ماہ کے لیے بڑھا دیا گیا ہے۔ نوٹیفکیشن کے مطابق یہ توسیع اس وقت تک مؤثر رہے گی جب تک نئے چیئرمین کی تقرری عمل میں نہیں آتی یا مقررہ مدت مکمل نہیں ہو جاتی ہے۔

واضح رہے کہ مذکورہ کمیٹی نجی اسکولوں کی فیس کے تعین اور اس کی نگرانی میں اہم کردار ادا کرتی ہے۔

ہندوستھان سماچار

---------------

ہندوستان سماچار / محمد اصغر