نئی دہلی، 10 اپریل (ہ س)۔ مغربی ایشیائی بحران کے درمیان، حکومت نے جمعہ کو کہا کہ ملک میں ایل پی جی ڈسٹری بیوٹرز اور پٹرول پمپوں کے پاس ایندھن کاوافر مقدار میں ذخیرہ ہے۔ حکومت نے کہا کہ کسی قسم کی کمی کی کوئی اطلاع نہیں ہے۔ گھریلو ایل پی جی کی سپلائی معمول کے مطابق ہے، جس میں 98 فیصد بکنگ آن لائن ہو رہی ہے، جبکہ کمرشیل ایل پی جی سپلائی 70 فیصد تک بحال ہو گئی ہے۔

وزارت پٹرولیم اور قدرتی گیس کی جوائنٹ سکریٹری (مارکیٹنگ اور آئل ریفائنری) سجاتا شرما نے ایک بین وزارتی پریس کانفرنس سے خطاب کرتے ہوئے یہ معلومات دی۔ سجاتا شرما نے بتایا کہ 14 مارچ سے اب تک تقریباً 1,06,000 ٹن کمرشیل ایل پی جی فروخت ہو چکی ہے اور روزانہ 6,000 سے 6,500 ٹن فروخت ہو رہی ہے۔ انہوں نے بتایا کہ امدادی اقدامات میں بغیر کسی شناخت کے 5 کلو گیس سلنڈر کی سپلائی کو دوگنا کرنا شامل ہے۔ شرما نے کہا کہ روزانہ تقریباً 1 لاکھ سلنڈر فروخت ہو رہے ہیں، جبکہ 23مارچ سے اب تک کل 11 لاکھ سلنڈر فروخت ہو چکے ہیں۔ صنعتوں کو تقریباً 80 فیصد سپلائی بحال کر دی گئی ہے اور کھاد کے شعبے کو ہونے والی سپلائی 95 فیصد تک بحال کر دی گئی ہے۔

بجلی کی وزارت میں ایڈیشنل سکریٹری پیوش سنگھ نے کہا کہ مغربی ایشیا کے بحران کے دوران، وزارت نے درآمدی کوئلے پر مبنی پلانٹس کے مکمل آپریشن کو یقینی بنانے کے لیے سیکشن 11 کے تحت ہدایات جاری کیں، جس سے تقریباً 4,000 میگاواٹ اضافی بجلی حا صل ہوئی ہیں۔ اس میں ٹاٹا پاور سی جی پی ایل مندرا بھی شامل ہے۔ انہوں نے کہا کہ شیڈول مینٹیننس کو تین ماہ کے لیے موخر کر دیا گیا ہے ، جس سے 10,000 میگاواٹ اضافی بجلی کی دستیابی کو یقینی بنایا گیا ہے ۔ سنگھ نے کہا کہ مضبوط تال میل کی وجہ سے کوئلے کا ذخیرہ تقریباً 55 ملین ٹن پر قائم ہے جو کہ 19 دنوں کے لیے کافی ہے۔

انہوں نے کہا کہ اگلے تین مہینوں میں تھرمل، سولر، ونڈ اور ہائیڈرو ذرائع سے تقریباً 22,000 میگاواٹ بجلی پیدا کرنے کا منصوبہ ہے۔ اس میں گیس پر مبنی صلاحیت، جو کہ 1.4فیصد تک محدود ہے، مسلسل اچھی کارکردگی کا مظاہرہ کر رہی ہے۔ پلانٹس کو ایل این جی درآمد کرنے کی اجازت دی گئی ہے،جس سے بجلی کی مجموعی فراہمی مستحکم رہے۔

بندرگاہوں، جہاز رانی اور آبی گزرگاہوں کی وزارت کے ایڈیشنل سکریٹریمکیش منگل نے بتایا کہ بندرگاہوں، جہاز رانی اور آبی گزرگاہوں کی وزارت شراکت داروں کے ساتھ باقاعدگی سے میٹنگ کی ہیں۔ہماری وزارت نے حکومت ہند کی وزارت تجارت کے بالواسطہ ٹیکس اور کسٹمز کے مرکزی بورڈ (سی بی آئی سی ) اورڈیجی فٹ انڈیا کے ساتھ ایک میٹنگ کی، تاکہ شراکت داروں کو درپیش مسائل کی موجودہ صورتحال کا جائزہ لیا جا سکے۔

انہوں نے کہا کہ میٹنگ کے دوران ایکسپورٹرز اور ان کی ایسوسی ایشنز سے درخواست کی گئی کہ وہ اپنے مسائل کے ساتھ ساتھ اس بندرگاہ کا نام بھی بتائیں جہاں انہیں ان مسائل کا سامنا ہے۔ اس کے علاوہ، شپنگ لائنوں کو پہلے ہی ہدایت دی گئی ہے کہ وہ برآمد کنندگان کو بندرگاہوں کی طرف سے پیش کردہ فوائد اور راحت فراہم کریں، بجائے اس کے کہ ان پر معاوضہ کی بنیاد پر کارروائی کی جائے۔

ایندھن کا ذخیرہ دستیاب ہے۔

ہندوستھا ن سماچار

ہندوستان سماچار / محمد شہزاد