نئی دہلی، 10 اپریل (ہ س)۔ نائب صدر سی پی رادھا کرشنن اور مرکزی سڑک ٹرانسپورٹ اور شاہراہوں کے وزیر نتن گڈکری سمیت کئی لیڈروں نے سابق وزیر اعظم مرارجی دیسائی کو ان کی برسی پر خراج عقیدت پیش کیا اور ان کے تعاون کو یاد کیا۔

نائب صدر جمہوریہ رادھا کرشنن نے جمعہ کو اپ راشٹرپتی بھون میں گلہائے عقیدت پیش کرکے مرارجی دیسائی کو خراج عقیدت پیش کیا۔ سڑک نقل و حمل اور شاہراہوں کے وزیرنتن گڈکری نے بھی سابق وزیر اعظم اور مجاہد آزادی مرارجی دیسائی کو ان کی برسی پر خراج عقیدت پیش کیا۔ اتراکھنڈ کے وزیر اعلیٰ پشکر سنگھ دھامی نے انسٹاگرام پر ایک پوسٹ میں مرار جی دیسائی کو ان کی برسی پر خراج عقیدت پیش کرتے ہوئے انہیں سادگی اور عوامی خدمت کی علامت قرار دیا۔ انہوں نے کہا کہ قوم کی خدمت کے لیے ان کی لگن سب کے لیے مشعل راہ ہے۔

دہلی کی وزیر اعلیٰ ریکھا گپتا نے مرار جی دیسائی کو خراج عقیدت پیش کرتے ہوئے کہا کہ ان کی پوری زندگی سادگی، نظم و ضبط اور قومی خدمت کے لیے وقف تھی۔ ملک کی ترقی میں ان کے خیالات اور شراکتیں ہمیشہ متاثر کرتی رہیں گی۔

قابل ذکر ہے کہ ملک کے چوتھے وزیر اعظم مرارجی دیسائی کی برسی پر انہیں ان کی نظم و ضبط، زندگی، ایمانداری اور قوم کے لیے بے لوث خدمات کے لیے یاد کیا جاتا ہے۔ وہ ہندوستان میں واحد شخص ہیں جنہیں بھارت رتن اور پاکستان کے اعلیٰ ترین شہری اعزاز نشان پاکستان سے نوازا گیا ہے۔

---------------

ہندوستان سماچار / عبدالسلام صدیقی