نئی دہلی، 10 اپریل (ہ س) سپریم کورٹ نے غازی آباد میں چار سالہ بچی کی عصمت دری اور قتل کی ناقص تحقیقات پر پولیس کمشنر اور تفتیشی افسر (آئی او) کو طلب کیا ہے۔ چیف جسٹس سوریہ کانت کی قیادت والی بنچ نے اگلی سماعت 13 اپریل کو مقرر کی ہے۔

سماعت کے دوران، عدالت نے متاثرہ کے والد کی نمائندگی کرنے والے وکیل این ہری ہرن کے دلائل پر غور کیا، جن کا کہنا تھا کہ پولیس تفتیش میں لاپرواہی برت رہی ہے۔ لڑکی کا والد یومیہ مزدوری کرتا ہے۔ دو نجی اسپتالوں نے بھی بچی کا علاج کرنے سے انکار کر دیا۔ چیف جسٹس نے دونوں اسپتالوں کی بے حسی پر سرزنش کی۔

دراصل، 16 مارچ کو، متاثرہ کو اس کے پڑوسی نے چاکلیٹ خریدنے کے بہانے باہر لے جا کر اس کے ساتھ درندگی کی۔ جب وہ واپس نہ آئی تو اس کے والد نے اسے تلاش کیا۔ بعد میں وہ بے ہوش اور خون میں لت پت پائی گئی۔ علاج کے دوران اس کی موت ہوگئی۔

---------------

ہندوستان سماچار / عبدالسلام صدیقی