نئی دہلی، 10 اپریل (ہ س): 5ویں پی ایس پی بی بابا دیپ سنگھ باسکٹ بال (مرد اور خواتین) ٹورنامنٹ کے چوتھے دن سنسنی خیز مقابلے دیکھنے میں آئے کیونکہ گارگی کالج، مرانڈا ہاو¿س، اسٹنر اکیڈمی اور ایس جی ٹی بی خالصہ کالج نے اپنے اپنے لیگ میچ جیت کر مقابلے میں خود کوفاتح درج کرایا۔

خواتین کے زمرے میں، میزبان ایس جی ٹی بی خالصہ کالج کورٹ پر کھیلا گیا، گارگی کالج نے شاندار کارکردگی کا مظاہرہ کرتے ہوئے رامجس کالج کو 39-61 کے فرق سے شکست دی۔ گارگی کی شروتی کو ان کی شاندار کارکردگی کے لیے پلیئر آف دی میچ قرار دیا گیا۔

خواتین کے ایک اور میچ میں مرانڈا ہاو¿س نے میتری کالج کے خلاف 46-68 سے شاندار فتح درج کی۔ مرانڈا ہاو¿س کی پرنیکا نے اس میچ میں شاندار کارکردگی کا مظاہرہ کرتے ہوئے پلیئر آف دی میچ کا ایوارڈ حاصل کیا۔

مردوں کے زمرے میں، سٹنر اکیڈمی نے ہنسراج کالج کے خلاف مضبوط کارکردگی کا مظاہرہ کرتے ہوئے 81-96 سے فتح حاصل کی۔ سٹنر اکیڈمی کے ابھینو کو ان کی شاندار کارکردگی کے لیے پلیئر آف دی میچ قرار دیا گیا۔

دن کے مردوں کے فائنل میچ میں ایس جی ٹی بی خالصہ کالج نے شری رام کالج آف کامرس کو 81-92 سے شکست دی۔ خالصہ کالج کے تنوج کو پلیئر آف دی میچ قرار دیا گیا۔

ٹورنامنٹ کے چوتھے روز کے نتائج نے مقابلے کو مزید دلچسپ بنا دیا ہے جہاں تمام ٹیمیں اگلے مرحلے میں جگہ بنانے کے لیے سخت مقابلہ کر رہی ہیں۔

---------------

ہندوستان سماچار / عبدالسلام صدیقی