ڈبروگڑھ (آسام)، یکم اپریل (ہ س)۔ وزیر اعظم نریندر مودی نے بدھ کی صبح ڈبرو گڑھ کے منوہاری چائے کے باغ کا دورہ کیا، جہاں انہوں نے چائے کی پتیاں چنیں اور آسام کی چائے کی صنعت کی اہمیت کو اجاگر کیا۔

اپنے دورے کے دوران وزیراعظم نے خواتین اور چائے باغان کے دیگر کارکنوں سے بھی بات چیت کی۔ انہوں نے ان کے تعاون کو سراہا۔ یہ بات چیت خطے میں چائے کے باغ کے کارکنوں کی فلاح و بہبود اور انہیں بااختیار بنانے کے لیے حکومت کے عزم کی عکاسی کرتی ہے۔

وزیر اعظم نے چائے باغان کے کارکنان کے بچوں کی تعلیم، ان کی اجرت اور ان کے پاس آیوشمان کارڈ ہے یا نہیں، کے بارے میں دریافت کیا۔ قابل ذکر ہے کہ وزیر اعظم نریندر مودی انتخابی مہم میں حصہ لینے کے لیے منگل کی رات ڈبرو گڑھ پہنچے۔ مودی رات 8:40 بجے موہن باڑی ایئرپورٹ پہنچے۔ اس کے بعد وزیر اعظم ایک بڑے قافلے کے ساتھ موہن باڑی ہوائی اڈے سے منوہاری ریزورٹ کے لیے روانہ ہوئے۔ مودی نے رات منوہاری ریزورٹ میں گزاری۔ وزیر اعظم مودی دھیماجی اور لکھیم پور اضلاع کے امیدواروں کے لیے مہم چلائیں گے۔

ہندوستھان سماچار

ہندوستان سماچار / محمد شہزاد